aRom 13:1 - Izere New Testament

¹ Koangan ra kuus ike̱ng iya rigwo̱m iben ta fe̱ ye a ra nye dim kamok akak ta kyem a te ako̱k kasho̱o̱n baꞌ, sang ke Adakunom ne a tu ku no̱o̱k baꞌ. Áko̱k kasho̱o̱n afe yir ta be yir cice̱r Adakunom ne a tu no̱o̱k.

aRom 13:1 Referans Kwoze

aTitus 3:1

Yiir yiring ánerawe wan'e ye á ra fok áko̱k kasho̱o̱n ne áfe ágwo̱m kaben ba kuto, á ra kuus ike̱ng iya ba ta fe̱ ne á sor be kanye̱k kunye koakye i ta se gye̱r.

aYohana 19:11

Amma aYeso fe̱ be wu ye, “Wan ti be kukyem kukak natoon'i ze̱e̱r be kuya a ta ka no̱o̱k natoon kaza baꞌ. Kamok anong, aner aya a tin sok a tá ka no̱o̱k ne a be rine̱n ne a ka nar.”

aZhud 1:8

Anong ne á tà nye be áfe nabos abo̱o̱s na gip, ma á beseng iro̱m ba be ike̱re̱ iyong, á raba kukuus rigwo̱m ne a kas ámaleka Adakunom.

Afisa 5:21

Naka foos yin kamok kuyiik aKiristi.

Ike̱ng a ta tonong aYohana 19:16

Natoon kukpiin wu be natoon ishurtak'e, a ti zibir riyerek rikak ye, agwo̱m ágwo̱m afe a tin nye rigwo̱m natoon ágwo̱m.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

Itomong Ámanzo 2:41

Áner aya a tá shan rife̱ wu se whe̱re̱ yong a tú ku nye ba abatisma. Katuk kayong ánerawe'me ta bubarak áner izungu itaar á ti barang niba.

aRom 12:21

To̱, tu won yin anyas ta ya agap yin baꞌ, ya yin agap anyas be kunye kutek ingya.

aRom 13:2

Kamok anong, koangan ne a ko̱n be áko̱k kasho̱o̱n, a ko̱n be ike̱ng iya Adakunom ta sak. Áner aya a ta nye anong yis amok Adakunom natoon rice ba.

1 aTimoti 2:2

A ra yiir i nye anong kamok ágwo̱m cice̱r ne áya a tà be agbang itsik cice̱r, nong tà sor yir caang be kameneng riye̱ kaye̱e̱r inyim Adakunom ne i sor yir zhe̱l'e kaye̱e̱r koakye kuse.