aRom 12:9 - Izere New Testament

⁹ Kushim ra se kaye̱e̱r katsak. Rayin ike̱ng iya i ta nye imaan'e, amma yiir yin ike̱ng iya i ta nye itek.

aRom 12:9 Referans Kwoze

1 aBitrus 4:8

Ike̱ng iya i ta nye igbang'e cice̱r nye, naka shim yin dide̱ng, kamok kushim be̱e̱n kure̱ng rine̱n whe̱re̱.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

1 aTasalonika 5:21

Maas yin koakye kuri ike̱ng ne i yiir yin iya i ta nye itek.

Ibrani 12:14

Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.

2 aKoranti 8:8

Sang i se ye mi shim ta ka tonong yin agap baꞌ, amma mi shim ta maas kuri kushim kufe katsak afe yin ta be yin be kufe ákak.

1 aTasalonika 5:15

Sak yin riye̱, sang tu ku karang yin imaan'e be rimaan'e baꞌ. Amma koakye izen se yin gye̱r be áfudang yin ne ánerawe cice̱r.

2 aKoranti 6:6

Yir sor yir kusor kuzhe̱l'e ne kuren ike̱ng be kutsesek ne kuse kutek be kusor kaye̱e̱r Kabik Kazhe̱l'e ne kushim kufe katsak,

Ibrani 1:9

Wan shim katsak ne i rawan amaan kuse kamok anong Adakunom, a ta nye Adakunom wan, tá kasa a ta ka korok name rice. A tá sak wan ta se̱ kuyiik ku ta nar kufe áfudang wan.”

1 aTasalonika 2:3

Itabak yir tá ka no̱o̱k yin nye abo̱o̱s ka i be̱ yir be amaan kuto̱ro̱ng baꞌ, ka yir ta ka wo̱ro̱k yin baꞌ,

Itomong Ámanzo 11:23

Nizen iya a tá se no̱, a di ritek Adakunom ta se mak be ba ne riye̱ wu kare̱p. Ayong a fe̱ be ba ye á ra yiir iren Agwo̱m Ágwo̱m be katsak be riye̱ rizining.

aYohana 12:6

aYahuza fe̱ anong sang kamok wu tá daam be áfe rizor baꞌ, amma kamok wu tá nye akpatang. Wu ne a tá ceshek ishika itso̱m ba, a bo̱s azong ne a ni tobok rice wu.

aMatiyu 26:49

Be kube̱ aYahuza ne wor a wesek cop nufe aYeso a tá fe̱ ye, “Dazha, Aner Kubo̱so̱p,” ne a ku kunung.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.