aRom 12:8 - Izere New Testament

⁸ Ke kunye kutsesek ánerawe, a ra sor afe kutsesek ánerawe'me. Ke kunye kunang kutobok áfe a ta se nutser, a ra no̱o̱k washak. Ke kunang'e nye kuko̱k kasho̱o̱n, won a tu nye kaye̱e̱r katsak. Ke ku nye kuro̱ riye̱, a ra nye be riye̱ rikan.

aRom 12:8 Referans Kwoze

2 aKoranti 9:7

Koangan ra no̱o̱k ike̱ng iya wu ta sok be riye̱ wu ye wu ta no̱o̱k, sang kaye̱e̱r riye̱ kubeseng ka kamok a ta fe̱ be wu ye ma a ra no̱o̱k baꞌ, kamok Adakunom shim aner aya a ta no̱o̱k be riye̱ rikan.

1 aTimoti 5:17

A rin sak riye̱ dide̱ng na áko̱k kasho̱o̱n ikilisiya áya a ta nye itomong ba gye̱r, abanang áya itomong ba ta nye awazi rife̱ Adakunom be kubo̱so̱p ánerawe'me ba.

1 aKoranti 12:28

Kaye̱e̱r áfikuus, Adakunom kasa ámanzo a ta te áfe ime̱se̱ng'e, afe afa nye áner kuzarap, afe ataar nye áfe kubo̱so̱p ánerawe'me. Ákak nye áfe kunye itomong azhing, ne áfe kusak áfe iro̱k ta te atser, ne áfe a tana tobok ánerawe. Ne ákak áfe kube ánerawe, nigang'e áfe a tana fe̱ ni írem iduk.

Ibrani 13:17

Kuus yin ike̱ng iya áko̱k kasho̱o̱n yin ta fe̱, ne i nye yin ike̱ng a ta fe̱ be yin, kamok ba ne a ti sak riye̱ natoon yin kamok a ta tak kuto̱ itomong ba katuk kakak. Ka fok yin ba kuto nong itomong ba ta ka be ba ifeng sang kyo̱ndi acer baꞌ. Ke itomong'e ta sor ba acer, iyong ta ka barang mo yin ike̱ng ikak baꞌ.

Itomong Ámanzo 15:32

aYahuda be aSila á tá nye áner kuzarap be ace ba gip á fe̱ rife̱ dide̱ng riya ri ta sak áfikuus Antakiya ti barang kuse̱ agap.

Itomong Ámanzo 13:15

Nama á tá fa afumung Itsi aMusa be áfe áner kuzarap tá zibir, ne áko̱k kasho̱o̱n kutu aduwa tom ye a ra fe̱ be ba ye, “Ároneng, ke yin be yin rife̱ riya ri tanin barang ánerawe agap ne i fe̱ yin kusuk tsek.”

Ibrani 13:24

Ku nye shou yin áko̱k kasho̱o̱n yin, be azhe̱l'e cice̱r. Áfe a ta se niben Italiya ta nye yin ashou.

Ibrani 13:22

Kusuk yin ároneng, sok yin itabak mi ta ka zibir yin'e na be riye̱ ricaang kamok mi ta zibir yin'e cie̱k tsek.

Ibrani 13:7

Yiring yin be áko̱k kasho̱o̱n yin áya a ta ka tak yin rife̱ Adakunom. Ye̱re̱k yin kuri kusor kuya ba ta sor nong ta kuus yin kuno̱o̱k katsak ba.

Ibrani 10:25

Sang yir tu won dar i nyiis yir kyo̱ndi ákak tan me̱ ne á nye baꞌ. Amma i ban naka tsesek yir, ne i ni barang yir kunye anong kamok yin di yin Kunom'me nye ne kube̱ gbugbarak.

2 aKoranti 8:12

Kamok ke yin be yin riye̱ kuno̱o̱k'e Adakunom ta fok kusas kuno̱o̱k'e, a ta shan kuno̱o̱k'e tite̱re̱ be agap aner'e. Adakunom shim yin tu no̱o̱k yin ike̱ng ife yin ta won dar i be yin baꞌ.

1 aKoranti 14:3

Amma aner aya a ta nye kuzarap fe̱ rife̱ riya ri tana no̱k ánerawe ne kutsesek ne ri sak aye̱ ta shirim.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Itomong Ámanzo 20:2

A tsang a gorok koake̱ kaye̱e̱r kaben'e ne a tsesek ánerawe dide̱ng. Ni igang'e a no̱ niben aGiris,

1 aTimoti 4:13

Nizham mi ta ra be̱, ya kasho̱o̱n be kufa ánerawe afumung rife̱ Adakunom ne i ka nye ba awazi ne i ka bo̱so̱p ba'me.

1 aTasalonika 2:8

Kamok yir ta ka shim yin dide̱ng iyong ne i sak sang yir ta ka nye yin awazi Rife̱ Ritek tsek baꞌ, amma yir no̱o̱k yir kutser yir cei gip.

1 aTasalonika 2:3

Itabak yir tá ka no̱o̱k yin nye abo̱o̱s ka i be̱ yir be amaan kuto̱ro̱ng baꞌ, ka yir ta ka wo̱ro̱k yin baꞌ,

aKolosi 3:22

Yin ásam, fok yin atek kasa yin kuto kaye̱e̱r koakye kuri ike̱ng. Sang tu nye yin kamok ba ta min sak anyisi natoon yin baꞌ, ye nong ase̱ a ta ka kerek yin tsek baꞌ. Amma nye yin be riye̱ rizining kyo̱ndi áner a ta fok inyim Agwo̱m Ágwo̱m.

Afisa 6:5

Yin ásam, kuus yin ike̱ng iya átekasa yin áfe kazatse ta fe̱ be yin be inyim ne ikap kutiim be riye̱ rizining kyo̱ndi aKiristi ne yin sen ku nye yin'e.

2 aKoranti 11:3

Amma mi fok inyim ye ike̱ng iya i tase aHawa ta ka se̱ yin. Iwhen tu wo̱ro̱k be ritse̱ng wu ma a nye rine̱n. Anong ne a ta kyem a sak kuto̱ro̱ng yin ta te kpe̱de̱ng, fan yin bun won dar i no̱o̱k yin rice yin cice̱r nong ta se yin zhe̱l nasho̱o̱n aKiristi baꞌ.

2 aKoranti 9:13

Kamok itomong na ife yin ta min tonong yin rice yin, ánerawe ta kerek Adakunom kamok yin kuus yin Rife̱ Ritek aKiristi, ne i kasap yin ike̱re̱ yin mak be ba ne ribir áfikuus.

2 aKoranti 9:11

Koakye izen a ta ka sak yin ta te yin árum nong ta sor yin áfe ku nyesek ike̱re̱ washak koakye izen. Be anong ne ánerawe whe̱re̱ ta tonong riye̱ rikan be Adakunom kamok kuno̱o̱k yin tana no̱o̱k yin ku tana gor nubo̱k yir.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

aRom 13:6

Ike̱ng iya i ta sak yin ta karang yin itso̱m iben, kamok áko̱k kasho̱o̱n nye ásam Adakunom áya a ta no̱o̱k izen ba kamok itomong kube ánerawe.

aRom 12:13

Kasap yin ike̱ng yin ta be yin be áner Adakunom áya a ta se kaye̱e̱r kutser. Shim yin kushashang átsen.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

Itomong Ámanzo 13:12

Nizen iya agwo̱mna ame tá fa di ike̱ng iya i ta se̱ aLimas ne a ni no̱o̱k katsak natoon rife̱ Adakunom, kamok wu fok azhing be kubo̱so̱p wu tá fok natoon rife̱ Agwo̱m Ágwo̱m.

Itomong Ámanzo 4:36

Aner aLawi'me akak tuse aya a tú ku yis ye aYusufu, a tú tes na aSipurus. Ámanzo tú ku yis ye aBarnabas (i ta sor ye Aner kutsesek ánerawe).

Itomong Ámanzo 11:23

Nizen iya a tá se no̱, a di ritek Adakunom ta se mak be ba ne riye̱ wu kare̱p. Ayong a fe̱ be ba ye á ra yiir iren Agwo̱m Ágwo̱m be katsak be riye̱ rizining.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.