aRom 12:7 - Izere New Testament

⁷ Ke kunang'e nye kunye ánerawe itomong, a ra nye itomong'e gye̱r, ke kunye kubo̱so̱p ánerawe'me, a ra bo̱so̱p gye̱r.

aRom 12:7 Referans Kwoze

Afisa 4:11

Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

2 aTimoti 4:2

wan ri tsesek ninye awazi rife̱ Adakunom, ko be izen ko dar izen. Nees ánerawe, kuzhe̱e̱r ba ne i kutsesek ba ne i ka bo̱so̱p ba'me kaye̱e̱r awhiwhe̱.

1 aTimoti 5:17

A rin sak riye̱ dide̱ng na áko̱k kasho̱o̱n ikilisiya áya a ta nye itomong ba gye̱r, abanang áya itomong ba ta nye awazi rife̱ Adakunom be kubo̱so̱p ánerawe'me ba.

Itomong Ámanzo 13:1

Áner kuzarap ákak ne áner kubo̱so̱p tuse kaye̱e̱r áfikuus Antakiya. Ákak kaye̱e̱r ba nye aBarnabas be aSiman aya a tú ku yis ye kukpa kuwe ne aLushiyos a tá nye aner aKurane'me be aManayen (aya a tá ta mak be aHiridus) ne Ashawulu.

2 aTimoti 2:24

I se gye̱r aner itomong Agwo̱m Ágwo̱m ta sor aner riwo̱ng baꞌ, a ra se gye̱r be koangan ne a nye aner a tana kyem a bo̱so̱p ánerawe'me sang afe riye̱ rife̱ baꞌ.

2 aTimoti 2:2

Cice̱r ike̱re̱ iya wan tá fok nunaan nasho̱o̱n ánerawe whe̱re̱, bo̱so̱p ánerawe áfe a ta be katsak nong ba ta ma kyem a bo̱so̱p ákak'e gip.

1 aTimoti 4:16

Sak riye̱ be kutseng wan ne i sak riye̱ be ike̱ng iya wan tá bo̱so̱p. Na ka tsesek ta nye ike̱re̱'ong kamok ke wan ti nye itomong be ike̱re̱'me, wan ta shesh rice wan be áfe a ta ka foos.

1 aTimoti 3:2

Ako̱k kasho̱o̱n ra nye aner aya a ta be kuraar nasho̱o̱n ánerawe baꞌ. A ra nye aner aya a ta be abining azining, ne a se tatan, ne a ren a yiir rice wu, ne a nye aner aya ánerawe tu ku sok yiik, a ra nye aner aya a ta shashang átsen ibo̱k ifa, ne a ren a bo̱so̱p ánerawe'me,

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

aKolosi 4:17

Tak yin Akipus ye a ra sak riye̱ nong a ta gang itomong'ong Agwo̱m Ágwo̱m tú ku no̱o̱k.

aGalati 6:6

Koangan afe a tu ku bo̱so̱p rife̱ aKiristi, ra kasap ike̱re̱ wu itek, be aner aya a tu ku bo̱so̱p'e.

1 aKoranti 12:28

Kaye̱e̱r áfikuus, Adakunom kasa ámanzo a ta te áfe ime̱se̱ng'e, afe afa nye áner kuzarap, afe ataar nye áfe kubo̱so̱p ánerawe'me. Ákak nye áfe kunye itomong azhing, ne áfe kusak áfe iro̱k ta te atser, ne áfe a tana tobok ánerawe. Ne ákak áfe kube ánerawe, nigang'e áfe a tana fe̱ ni írem iduk.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Itomong Ámanzo 20:20

Yin ren yin ye mi ti yo̱ro̱k be ku ka taas yin ike̱ng iya i tana ka se̱ yin mo baꞌ. Mi ta bo̱so̱p yin'e kanang ne i no̱o̱s ninasa ánerawe.

Itomong Ámanzo 6:1

Nizen iyong, álimazhiri ti barang kute whe̱re̱, yong áner aYahuda aya a tá fok irem aHeleni kpaan anyinye̱m be áfudang ba áner aYahuda aya a tá fok Aramiya. Áner aYahuda aya a tá fok irem aHeleni kpaan anyinye̱m ye izen iya ne a dorok i kasa naya sang a yiring be ányining ba áya atek ba tan kus baꞌ.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

1 aKoranti 12:5

Iriri itomong kuse, amma Agwo̱m Ágwo̱m'me se azining.

1 aKoranti 14:26

Ároneng, ike̱ng mi tin fe̱ natoon'e se ye, nizen iya yin nyim yin, ke akak se be abom kukerek Adakunom, ne akak sen bo̱so̱p ánerawe'me, ne akak fe̱ ike̱ng iya Adakunom tu ku tonong, ne akak sen fe̱ ni írem iduk, ne akak kirik ike̱ng iya a ta fe̱. A ra nye koakye nong a tin no̱k áfikuus kaye̱e̱r kabik.