aRom 12:6 - Izere New Testament

⁶ Yir be yir kunang iriri'me tite̱re̱ be ritek Adakunom tin no̱o̱k yir. Ke kunang akak nye kunang kuzarap, a rin nye kuzarap'e te̱re̱ be kuno̱o̱k katsak wu ta be.

aRom 12:6 Referans Kwoze

1 aKoranti 7:7

Ánerawe cice̱r fa se kyo̱ndi mi ke iwe̱r. Koangan anerawe ra be kunang kuya Adakunom tu ku no̱o̱k, akak be kuri kuyu ne akak be kuri kukya.

aRom 12:3

Kamok ritek Adakunom tin nye'me na, mi fe̱ be koangan yin ye sang akak tu sok rice naza ye wu nye ike̱ng ikak baꞌ, a ra ban a mees rice wu ingya, a ra mees rice wu te̱re̱ be kuri kuno̱o̱k katsak Adakunom tú ku no̱o̱k.

aRom 1:11

A kun mi te ke mi n be̱ nufe yin nong ta be̱ sak yin ta se̱ yin kunang Adakunom kufe kabik nong ase̱ tin barang yin agap.

1 aKoranti 13:2

Ko mi fa nye kuzarap, ne i ren koakye ike̱ng iya i ta se nune̱re̱ng, ne i be kukyem kuren koakye ike̱ng, ne ko mi fa be kuno̱o̱k katsak dide̱ng ma i kyem i fe̱ be rifan ye tseng aza ne ri tseng, amma sang ke mi ra be kushim baꞌ, to̱, i nye ye mi nye ike̱ng ikak baꞌ.

Afisa 4:11

Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

1 aKoranti 14:1

Ni te yin iso̱r ni itse̱r kushim, ne i be yin ife̱ng kunang Kabik Kazhe̱l, atuk kuya a tanin nye kuzarap baꞌ.

2 aKoranti 8:12

Kamok ke yin be yin riye̱ kuno̱o̱k'e Adakunom ta fok kusas kuno̱o̱k'e, a ta shan kuno̱o̱k'e tite̱re̱ be agap aner'e. Adakunom shim yin tu no̱o̱k yin ike̱ng ife yin ta won dar i be yin baꞌ.

1 aTasalonika 5:20

Sang tu zhe̱e̱sh yin rife̱ kuzarap baꞌ.

1 aKoranti 14:29

Áfe a tana nye kuzarap tu nar áner afa ka ataar á tana fe̱ kanu baꞌ, ribir'e ra ye̱re̱k tatan nong a ta di ike̱ng ba ta sen fe̱'me.

Itomong Ámanzo 15:32

aYahuda be aSila á tá nye áner kuzarap be ace ba gip á fe̱ rife̱ dide̱ng riya ri ta sak áfikuus Antakiya ti barang kuse̱ agap.

Itomong Ámanzo 2:17

“ ‘Adakunom fe̱ ye, kaye̱e̱r inom igang'e, mi tà shining ánerawe cice̱r be Kabik Kazhe̱l'e. Inoon yin atek be ányining tà nye kuzarap, Adakunom tà tonong ácam be nanamang katsak wu. Ásho̱n tà ren katsak Adakunom kaye̱e̱r nabos ba.

aFilipi 3:15

Kamok anong, yir áya i tan te yir ánerawe cice̱r kaye̱e̱r kabik, kuto̱ro̱ng yir ra se anong. Amma ke akak yin be kuto̱ro̱ng kukak ze̱e̱r, to̱, Adakunom tà ka tonong yin.

Afisa 3:5

Gbugbang sang a taas ánerawe itak'e, kyo̱ndi Kabik Adakunom'me tá taas ámanzo azhe̱l ne áner kuzarap azhe̱l'e kyo̱o̱rna baꞌ.

Itomong Ámanzo 13:1

Áner kuzarap ákak ne áner kubo̱so̱p tuse kaye̱e̱r áfikuus Antakiya. Ákak kaye̱e̱r ba nye aBarnabas be aSiman aya a tú ku yis ye kukpa kuwe ne aLushiyos a tá nye aner aKurane'me be aManayen (aya a tá ta mak be aHiridus) ne Ashawulu.

aLuka 11:49

Kamok anong, Adakunom fe̱ kaye̱e̱r kukyem wu ye, ‘Mi tà tom áner kuzarap ne ámanzo, á tà fe̱s ákak ne á tabak ákak ba.’

aMatiyu 23:34

Kamok anong, mi sen ka tom yin be áner kuzarap ne áner áfe kukyem be áner á tana ka bo̱so̱p yin'e. Yin tà fe̱s yin ákak ba ne i tigak yin ákak. Yin tà whereng yin ákak ba kaye̱e̱r atu aduwa ne i ku ro yin ba ma ni iwo̱p ze̱r ze̱r.

1 aKoranti 14:24

Amma ke afurin ka aner áya a ta ren ike̱ng iya yin ta sen nye yin'e baꞌ, ti no̱ kaye̱e̱r yin nizen iya koangan ta sen nye kuzarap, ike̱ng iya wu tá fok tù ku tonong ye wu nye afe rine̱n ne a di kuraar wu be ike̱ng iya wu ta fok'e cei.

Itomong Ámanzo 21:9

A be ángas anaas a tan nye iwe̱ne̱ng baꞌ, ángas wu'me be kunang kuzarap.

1 aKoranti 3:5

Angan ne a nye Apolos nigaan'e e̱? aBulus nye angan kuruk e̱? Yir nye yir ásam Adakunom tsek, áya a ta sak yin tin no̱o̱k yin katsak, kamok Adakunom no̱o̱k koangan itomong a tana kunye'me.

1 aKoranti 12:18

Adakunom nye kuro̱m anerawe nong a ta ma saas koakye ikap gye̱r naro̱ wu ta shim.

2 aBitrus 1:20

Agbang ike̱ng mi ta shim yin tu ren yin nye ye kuzarap kukak kuse a tá zibir kuya áner kuzarap akak tá zibir be kuto̱ro̱ng ba tsek baꞌ.

aMatiyu 25:22

“Ayong aya a tá shan íshika ifa ame be̱ gip, ne a fe̱ ye, ‘Atekasa, wan ti won íshika ifa, di, mi min se̱ íshika ifa natoon'e.’