aRom 12:3 - Izere New Testament

³ Kamok ritek Adakunom tin nye'me na, mi fe̱ be koangan yin ye sang akak tu sok rice naza ye wu nye ike̱ng ikak baꞌ, a ra ban a mees rice wu ingya, a ra mees rice wu te̱re̱ be kuri kuno̱o̱k katsak Adakunom tú ku no̱o̱k.

aRom 12:3 Referans Kwoze

aGalati 6:3

Ke aner akak di ye wu nye ike̱ng ikak, amma sang i ra se anong baꞌ, a wo̱ro̱k rice wu.

1 aBitrus 5:5

Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”

aRom 12:16

Sor yin caang be afudang yin. Sang tu kok yin rice naza baꞌ, amma gung yin rice be áya a tu ku di ba kyo̱ndi ike̱ng ikak baꞌ. Sang tu sok yin rice yin ye yin ren yin koakye baꞌ.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

aYakub 4:6

Amma a ti barang ku ni nye yir ritek, kamok anong ne rife̱ Adakunom fe̱ ye, “Adakunom shim afe kuka baꞌ, amma a nye afe a ta mees rice ba ritek.”

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

1 aKoranti 7:17

To̱, koangan ra sor kuri kusor kuya Agwo̱m Ágwo̱m ta shim. Ike̱ng iya ife mi ta yiir ife̱ be áfikuus'ong cice̱r.

aTitus 2:12

Ritek'e ti bo̱so̱p yir iren kufe̱ ye, wayo be kuse kuri kuya Adakunom ta shim baꞌ, ne amaan kushim ike̱re̱ kazatse, nong ta yiir yir rice yir, ne i se yir zhe̱l ne i be yir kuse kuri kufe Adakunom kaye̱e̱r izam iyuna.

aTitus 2:2

Bo̱so̱p ásho̱n iren kuse tatan, á ra be kuyiik, á ra be kuyiir rice ne á se gye̱r kaye̱e̱r kuno̱o̱k katsak ba, be kushim kufe katsak ne kutsesek dide̱ng.

2 aKoranti 12:7

Nong fan mi bin ya kuka be ayiik ike̱re̱ mi tá dis'ong, ayong a ti tomong ike̱ng ikak kyo̱ndi ikiritsan kaye̱e̱r kuro̱m'i. Iyuna se kyo̱ndi aner kutom Ishetan nong a ta yiir ni nyesek risam.

aRom 11:20

Katsak'e yong. Amma a tu turung ba kamok kuwon dar kuno̱o̱k katsak ba, yin se yin azong kamok kuno̱o̱k katsak yin. Tin ya yin kuka baꞌ, amma nye yin tatan.

aRom 1:5

Kamok wu ne riyerek wu ne yir ti se̱ yir ritek ne ku yis nong tá te ámanzo nong ta yis yir áya sang á ta nye aner aYahuda baꞌ cice̱r, nong á tin no̱o̱k katsak ne a kuus rife̱'me.

1 aBitrus 1:13

Kamok anong, nye yin kanye̱k kaye̱e̱r aye̱ yin kamok itomong: yiir yin rice yin, ne i ni te yin riye̱ dide̱ng natoon ritek riya a tana ka no̱o̱k yin katuk kaya a tana tonong aYeso Kiristi.

aTitus 2:4

Iyong ta sak ba ta kyem á bo̱so̱p ányining áya a ta ru nye nanamang nong á tà shim átek ba ne inoon ba,

1 aKoranti 15:10

Amma kamok ritek Adakunom ne mi n te ana, ritek wu natoon'i se kpe̱de̱ng tsek baꞌ, cie̱k. Mi n nye itomong dide̱ng ne i nar ribir ámanzo cice̱r. Gip be anong, sang mi ne i nye itomong'e be rice mi baꞌ, ritek Adakunom ne ri nye itomong'e kaye̱e̱r'i.

aYohana 3:34

Kamok aya Adakunom ta tom fe̱ rife̱ Adakunom, kamok Adakunom tu ku no̱o̱k Kabik wu dar igak.

Afisa 4:16

Wu ne a gung ikap kuro̱m'e cei, kuro̱m'e sor nagung kamok koakye ifun be ikap kuro̱m'e rasak ne i no̱k rice wu kaye̱e̱r kushim kamok koakye ikap kuro̱m'e ta nye itomong wu.

aLuka 18:11

Aner aFarisi ame dorok nong a tá nye aduwa ye, ‘Adakunom, mi shim tá ka tonong riye̱ rikan'i, kamok sang mi se kyo̱ndi ribir ánerawe, á ta nye ákpatang, ka áfe amaan kunye baꞌ. Mi nye rikuna ne i se kyo̱ndi afe kushashang itso̱m iben na baꞌ.

aTitus 2:6

Anong ne ácam gip, ku bo̱so̱p ba'me ye á ra yiir rice ba.

1 aTimoti 2:15

Gip be anong, aner abining ta se̱ kashesh kamok a tes inoon ke a ya kasho̱o̱n kaye̱e̱r kuno̱o̱k katsak be kushim kuse zhe̱l ne a yiir rice wu.

1 aTimoti 2:9

Ányining gip, á ra nye izem iya i ta se gye̱r be ba, sang be ares áya a tana sak átek tana ka kuus ba baꞌ, sang awan abar ka kutes ares afe a ta nye be izinariya ka ike̱re̱ i ta gye̱se̱m ka ares aya a ta be itso̱m dide̱ng tsek baꞌ,

1 aTimoti 1:14

A ti shining be ritek Agwo̱m Ágwo̱m yir dide̱ng, ne a ni no̱o̱k kuno̱o̱k katsak ne kushim kuya ku ta se kaye̱e̱r aYeso Kiristi.

Afisa 3:4

Kum yin tan fa yin, yin ta kyem i se̱ yin akanang ike̱ng ife mi ta ren natoon kuse aKiristi.

2 aKoranti 12:13

Niren inyaka ne yin ti raar yin kaye̱e̱r ribir áfikuus akak e̱? Ka kamok mi ta shim tá te kyo̱ndi acer nufe yin baꞌ e̱? Ni nye yin igaas kamok anong.

1 aKoranti 3:10

Mi ti nye itomong be ritek Adakunom tin no̱o̱k ne i ni barak ribor kyo̱ndi aner aya ta ren rino̱k dide̱ng. Iyong ákak sen nino̱k natoon'e. Koangan a ta sen nino̱k natoon'e rin sak riye̱ be iren iya wu ta sen no̱k'e.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

3 aYohana 1:9

Mi kun zibir ikilisiya ife azong kufumung amma aDiyotirifes rawu ku ni fok kamok a tá shim a tá tonong ye wu nye ike̱ng ikak.

aKolosi 2:13

Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.

aKolosi 1:29

Kamok anong ne mi nye itomong ma i ti te iso̱r be kuri agap aya aKiristi tin no̱o̱k, aya a ta nye itomong dide̱ng kaye̱e̱r'i.

Afisa 3:2

Mi ren tse̱ng tse̱ng ye yin n fok yin kuri ritek Adakunom tin no̱o̱k nong tin nye itomong na kamok yin.

2 aKoranti 10:13

Yir, ta ya yir kuka ma ta gor yir karo̱'me baꞌ, amma ta ya yir kuka nigak karo̱ kaya Adakunom ta min no̱o̱k yir kafe ka ta se ma nufe yin.

aFilipi 2:13

Kamok Adakunom be rice wu ne a nye itomong kaye̱e̱r aye̱ yin, kuus yin ike̱ng iya i ta nye kuto̱ro̱ng wu kutek, ne i ni nye yin itomong.