aRom 12:2 - Izere New Testament

² Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aRom 12:2 Referans Kwoze

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

aKolosi 3:10

nong i ta sok yin kuse kufas. Iyu ne i nye aner afas, aya Adakunom, aner a ta nye'me, yiir shishing'e nong a tu ku tas nong a ta sak yin tù ku ren yin dide̱ng.

Afisa 5:17

Kamok anong tu te yin áfunam'e baꞌ, amma ren yin ike̱ng iya i ta nye riye̱ Agwo̱m Ágwo̱m.

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

aRom 12:1

Kamok anong, ároneng, mi ta nye yin akusuk kaye̱e̱r kuro̱ riye̱ Adakunom ye i ra no̱o̱k yin iro̱m yin kyo̱ndi asidaka atser, azhe̱l'e, kuri aya Adakunom a tana fok kusas'e. Iyong ne i nye iren kuya Adakunom iben kufe katsak.

aYohana 15:19

Ke a fa fe̱ ye yin nye yin áfe kazatse, ke kazatse ta shim yin kamok yin ta nye yin áfu. Kyo̱ndi i ta se, yin nye yin áfe kazatse baꞌ, amma mi ma ka kasa yin kaye̱e̱r áfe kazatse. Iyong ne i sak kazatse ta ka rayin yin.

aRom 13:14

Amma i ban i naka kis yin be aYeso Kiristi Agwo̱m Ágwo̱m yir, sang i tu kuus yin amaan kuse rinerawe baꞌ.

aTitus 3:5

a ti shesh yir. A nye anong sang kamok i nye yir ike̱ng ikak itek baꞌ, amma kamok kuro̱ riye̱ wu. A ti shesh yir, a tá kusu rine̱n yir be Kabik Kazhe̱l'e kaya a tin no̱o̱k yir kutes kufas ne iren kusor kufas.

aYakub 4:4

yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aYohana 17:14

Mi mak no̱o̱k ba rife̱ wan yong kazatse tú raba ba, kamok ba nye áfe kazatse baꞌ, kyo̱ndi mi ta nye afe kazatse baꞌ.

2 aBitrus 1:4

Kamok ike̱re̱ iyong ne wu ti no̱o̱k yir ágbang ike̱re̱ i ta be kuyiik dide̱ng iya wu tá tsang a fe̱ ye wu tin no̱o̱k yir, nong ta gung yir rice be kuri kuse Adakunom nong ta wher yir amaan kuse kazatse na ku ta be̱s'e kaye̱e̱r aye̱ yir.

aYakub 1:27

Kuren katsak Adakunom kuya Ada yir Adakunom ta sok ye kunye kujel'e nye, ku nisak riye̱ ni nakpiin be akumung kaye̱e̱r risam ba, ne i yiir rice wan fan kazatse ba ka sak ta wondar I se jel.

1 aYohana 3:13

Ároneng, tu te yin zhing baꞌ ke kazatse ta rayin.

1 aTasalonika 4:3

Kushim Adakunom se ye: yin ra sor yin zhe̱l; won yin kunye rikuna.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

2 aBitrus 2:20

Ke áner kubo̱so̱p abo̱o̱s'ong wher nubo̱k amaan ike̱re̱ kazatse kamok ba tá ren Agwo̱m Ágwo̱m yir Aner Kashesh, aYeso Kiristi, amma ke á ra bun á won amaan ike̱re̱ kazatse'me tú ku karam ba ma i nar agap ba, á tu ku bun á ta te amaan'e ne á nar izen iya ba tá tsang á ren aYeso baꞌ.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

1 aKoranti 3:19

Kamok kukyem kazatse na nye rifunam nasho̱o̱n Adakunom kyo̱ndi i ta se ni izibir ye, “Adakunom yising áya a ta se tse̱ng tse̱ng kaye̱e̱r ritse̱ng ba'me.”

aRom 7:22

Kamok kaye̱e̱r riye̱ mi, mi fok kusas Itsi Adakunom.

aYohana 7:7

Yin kazatse ta kyem ka ta ka ranyin baꞌ, amma ka ti ramin kamok mi fe̱ ye itomong wu nye imaan'e.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

1 aBitrus 2:3

Kyo̱o̱rna yin tan fok yin ritek Agwo̱m Ágwo̱m.

aRom 7:12

Kamok anong, Itsi be rice wu se zhe̱l, ike̱ng iya i ta fe̱ se zhe̱l. I se gye̱r ne i nye itek.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

1 aBitrus 1:18

Kamok yin ren yin ye a tá ka shesh yin kaye̱e̱r akpe̱de̱ng igo̱o̱n iya átukop yin tá ka won yin'e. A tá ka shesh yin be ike̱re̱ iya i tana beseng kyo̱ndi azurfa be izinariya baꞌ.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aRom 7:14

Yir ren yir ye Itsi'me nye itak kabik, amma mi be kuse rinerawe, a ti sok a tá re̱p rine̱n'e kyo̱ndi asam.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aMatiyu 13:22

Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aMarkus 4:19

amma ke kudaam kazatse be kushim kurum, ne kushim ike̱re̱ ikak be̱ ne i te̱ne̱ng rife̱'me kurasak kaye̱e̱r wu ma a beseng.

aKolosi 1:9

Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.