aRom 12:16 - Izere New Testament

¹⁶ Sor yin caang be afudang yin. Sang tu kok yin rice naza baꞌ, amma gung yin rice be áya a tu ku di ba kyo̱ndi ike̱ng ikak baꞌ. Sang tu sok yin rice yin ye yin ren yin koakye baꞌ.

aRom 12:16 Referans Kwoze

1 aBitrus 3:8

Ni igang'e, won yin cice̱r kuto̱ro̱ng yin tu se kuzining. Be yin kuro̱ riye̱ ne i naka shim yin kyo̱ndi aner be aronyining, ne i se yin gye̱r ne i mees yin rice yin.

Ibrani 13:5

Kam yin be kuse kumak shim itso̱m, ne i ni fan yin nike̱ng iya yin ta be yin, kamok Adakunom fe̱ ye, “Mi ta ka won baꞌ, ko cie̱k mi ta ka barak nigaan'e baꞌ, ko cie̱k.”

aRom 15:5

Won Adakunom aya a ta nyesek kutsesek ta ka tsesek yin ne a ka no̱o̱k yin kuto̱ro̱ng kuri kuzining kyo̱ndi aYeso aKiristi.

aRom 12:3

Kamok ritek Adakunom tin nye'me na, mi fe̱ be koangan yin ye sang akak tu sok rice naza ye wu nye ike̱ng ikak baꞌ, a ra ban a mees rice wu ingya, a ra mees rice wu te̱re̱ be kuri kuno̱o̱k katsak Adakunom tú ku no̱o̱k.

1 aKoranti 3:18

Sang tu naka wo̱ro̱k yin baꞌ. Ke akak di ye wu be ritseng kaye̱e̱r yin nizam iyu, a ra sok rice wu kyo̱ndi wu be ritseng baꞌ, nong ase̱ a ta kpa ritseng.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aLuka 14:13

Ke wan tà yis ánerawe nong á tá be̱ yas, yis áfe rizor be ákun ne áfe a ta yising ne ákpato̱o̱n.

1 aKoranti 8:2

Aner aya a ta di ye wu ren ike̱ng dide̱ng, an ren ike̱ng iya i ta se gye̱r ke wu ren nizham baꞌ.

1 aKoranti 6:5

Mi fe̱ iyu nong ta fok yin isum. Aser, a ta kyem a se̱ akak kaye̱e̱r yin a tan kyem a ta to̱ amok ke kudaam ti no̱ kaye̱e̱r afikuus aꞌa?

aFilipi 4:2

Mi nye Ayodiya be aSintiki izong ye kuto̱ro̱ng ba ra se kuzining natoon itomong Agwo̱m Ágwo̱m.

1 aKoranti 4:10

Yir te yir afunam'e kamok aKiristi, yin di yin ye yin be yin ritseng kamok aKiristi. Yir yo̱mo̱ng yir, yin be yin agap. Ánerawe ta ka tiyiik yin, ne á ni zhe̱e̱sh yir.

aLuka 6:20

Ayong aYeso kirik a tá ye̱re̱k álimazhiri wu ne a fe̱ ye, “Áner riye̱ rikan ne á nye yin áfe rizor kamok rigwo̱m Adakunom nye rife̱ yin.

aMatiyu 26:11

Áfe rizor se mak be yin ye̱r ye̱r, amma mi ta se be yin koakye izen baꞌ.

aMatiyu 11:5

ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.

1 aBitrus 5:3

Tin nye yin rigwo̱m natoon ba be agap baꞌ, sor yin kusor kuri kuya ba tana kuus ane̱e̱ yin.

aFilipi 3:16

Ike̱ng iya i ta nye igbang'e nye, yir tu sor yir kyo̱ndi Adakunom ta shim.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

1 aKoranti 1:10

Ároneng, mi ta nye yin akusuk kaye̱e̱r riyerek Agwo̱m Ágwo̱m yir aYeso Kiristi ye, kanu yin tuse kazining. Sang tu naka kasap yin baꞌ, gung yin rice nong kuto̱ro̱ng tu sor kuzining.

Itomong Ámanzo 4:32

Áfikuus cice̱r be kuto̱ro̱ng kuzining ne kudi ba kuzining. Ko akak sok ye ike̱ng iya wu tá be nye ifu wu ze̱e̱r baꞌ. Koangan ba kasap koakye ike̱ng iya aner'e ta be be áfudang wu.

3 aYohana 1:9

Mi kun zibir ikilisiya ife azong kufumung amma aDiyotirifes rawu ku ni fok kamok a tá shim a tá tonong ye wu nye ike̱ng ikak.

aRom 6:2

Wayo, cie̱k! Aye̱ yir n kus ni itak rine̱n. I ta bun i nye yir ane̱ i ta sor yir kaye̱e̱r rine̱n e̱?

aRom 11:20

Katsak'e yong. Amma a tu turung ba kamok kuwon dar kuno̱o̱k katsak ba, yin se yin azong kamok kuno̱o̱k katsak yin. Tin ya yin kuka baꞌ, amma nye yin tatan.