aRom 12:13 - Izere New Testament

¹³ Kasap yin ike̱ng yin ta be yin be áner Adakunom áya a ta se kaye̱e̱r kutser. Shim yin kushashang átsen.

aRom 12:13 Referans Kwoze

Ibrani 13:16

Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

2 aKoranti 9:12

Itomong yin ta nye yin na, nyesek áner Adakunom ike̱re̱ ba ta tse̱r tsek baꞌ, amma i sak ánerawe whe̱re̱ tonong riye̱ rikan dide̱ng be Adakunom.

1 aYohana 3:17

Ke akak kuse a ta be ike̱ng ne a di aronyining wu áfikuus a be ike̱ng ikak baꞌ, a se nudaam, amma a ro̱ riye̱ wu nong a tu ku nye ike̱ng ikak baꞌ. Ane̱ ne wu ta tonong ye kushim Adakunom kuse riye̱ wu e̱?

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

1 aBitrus 4:9

Sang tu shashang yin átsen be anyinye̱m baꞌ.

aGalati 6:10

To̱, kamok anong, ke i se̱ yir izen, i tonong yir koangan kuse kutek, abaan áfikuus baꞌ.

Ibrani 13:2

Sang tu won kushashang yin átsen baꞌ, kamok be anong ákak ti shan ámaleka dar kuren ba.

1 aTimoti 3:2

Ako̱k kasho̱o̱n ra nye aner aya a ta be kuraar nasho̱o̱n ánerawe baꞌ. A ra nye aner aya a ta be abining azining, ne a se tatan, ne a ren a yiir rice wu, ne a nye aner aya ánerawe tu ku sok yiik, a ra nye aner aya a ta shashang átsen ibo̱k ifa, ne a ren a bo̱so̱p ánerawe'me,

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

aMatiyu 25:35

Kamok nizen iya mi tá fok izong, yin ti no̱o̱k yin naya. Nizen iya mi tá fok kuto̱ kukoor, yin ti no̱o̱k yin ashi kuso̱. Mi be̱ kyo̱ndi atsen nufe yin, yin ti no̱o̱k yin karo̱ kuko̱s.

aFilimon 1:7

Kushim wan ta be ti kare̱p riye̱ dide̱ng ne kuni tsesek dide̱ng kamok wan aroneng, wan sak aye̱ ázhe̱l'e ta men.

aTitus 1:8

A ra ban a nye aner aya a ta shan átsen ibo̱k ifa dim, ne a shim ku nye ike̱ng iya i ta se gye̱r ne a yiir rice wu ne a be katsak ne a se zhe̱l, ne a mees rice wu.

2 aKoranti 9:1

Sang ma mi bun i ta zibir yin'e natoon kutobok na yin ta nye yin azhe̱l'e baꞌ.

Itomong Ámanzo 10:4

Iyong aKoneliyus'e tisak anyisi ni wu be inyim a tá fe̱ ye, “Akye̱ de̱ Agwo̱m Ágwo̱m e̱?” Ayong amaleka'me shim ye “Adakunom n yiring be wan, aduwa aya wan tá nye be kutobok kuya wan ta tobok áfe rizor n ngarak nufe Adakunom.

Itomong Ámanzo 4:35

ne á be̱s'e nufe ámanzo'me nong á tá kasap koangan'e kyo̱ndi aner'e tá tse̱r.

1 aKoranti 16:15

Yin ren yin ye áfekasa Itifanus ne a te afikuus na Akaya ni ime̱se̱ng'e, an no̱o̱k rice ba nong á ta nye áner Adakunom azhe̱l'e itomong. Mi ta nye yin akusuk, ároneng, ye

aRom 12:8

Ke kunye kutsesek ánerawe, a ra sor afe kutsesek ánerawe'me. Ke kunye kunang kutobok áfe a ta se nutser, a ra no̱o̱k washak. Ke kunang'e nye kuko̱k kasho̱o̱n, won a tu nye kaye̱e̱r katsak. Ke ku nye kuro̱ riye̱, a ra nye be riye̱ rikan.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.

3 aYohana 1:5

Are̱, wan aya mi ta shim, wan nye itomong itek, wan ta tobok áronyining yir áya a ta se ni itomong Adakunom, á nye átsen nufuan.