aRom 11:7 - Izere New Testament

⁷ To̱, yong ta fe̱ yir ane̱ makong e̱? Aner Isarela se̱ ike̱ng iya ba ta tse̱r be ifeng baꞌ, amma áya a tá kasa tsek ne a se̱, ribir'e Adakunom sak ba ta shonong.

aRom 11:7 Referans Kwoze

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aRom 9:18

Kamok anong ne Adakunom ro̱ riye̱ aner aya a ta shim a ta ro̱ riye̱ wu, ne a sak aner aya wu ta shim a ta shonong, nong a ta shonong.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aRom 11:5

Anong ne i se kyo̱o̱rna gip. Ribir áner ákak kuse áya Adakunom tá kasa kaye̱e̱r ritek wu.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

2 aKoranti 3:14

Amma ánerawe'me tá shonong, yong ma katuur ike̱ng ikak kuse i tu ku te̱ne̱ng ba kudi katsak'ong kaye̱e̱r kushu kuzen. Ike̱ng ku naka kis ma kyo̱o̱rna an wuruk baꞌ, kamok a kyem a tun baꞌ, ma ke be aKiristi tsek.

aRom 9:23

A nye anong nong a tà tonong agbang kuyiik wu natoon áya wu ta ro̱ riye̱ ba, aya wu tá tsang a sak kum ni ime̱se̱ng'e nong a ta se̱ kuyiik wu.

aFilipi 1:18

To̱, i ta daam baꞌ. Ke á taas kaye̱e̱r katsak ka be amaan kuto̱ naye̱ ba, mi ren itak aKiristi ne ba taas kaye̱e̱r koakye iren. Kamok anong, mi be riye̱ rikan. Katsak'e, mi ta ya kasho̱o̱n be kunye riye̱ rikan.

1 aKoranti 10:19

Sang mi fe̱ ye asidaka itsi nye ike̱ng itek baꞌ, ka itsi nye ike̱ng ikak baꞌ.

aRom 10:3

Kum ba ta dun iren i tana sak anerawe tana te gye̱r nasho̱o̱n Adakunom, a tse̱r iren ifuba iya ba ta di ye i ta kyem i ka sak ba a ta te gye̱r nasho̱o̱n Adakunom, iyong ne i sak ba ta gaar iren i tana sak ánerawe ta te gye̱r nasho̱o̱n Adakunom.

aRom 6:15

To̱, iyong ane̱ e̱? Yir ta yiir nye yir rine̱n kamok sang Itsi i ti nye rigwo̱m natoon yir baꞌ amma ritek Adakunom e̱? Wayo, cie̱k!

aRom 3:9

Iyong yir ta fe̱ yir ane̱ makong e̱? Ka yir áner aYahuda yir nar yir ribir ánerawe a? Ko cie̱k. Yir n tonong yir ye áner aYahuda be áya sang á ta nye áner aYahuda baꞌ, cice̱r a se kaye̱e̱r kukyem rine̱n.

aYohana 12:40

“A sak ba tá te ákpato̱o̱n'e, ne a whe̱e̱n aye̱ ba, fan á bu ye̱re̱k be anyisi ba, ne á ren be aye̱ ba, fan á bu kirik nunaan nong mi tà ka sak ba á tá te atser.”

aLuka 13:24

“Nye yin koakye yin tana kyem i nye yin nong tà no̱ yin nanu kutu ka ta se whe̱. Won tà ka tak yin, ánerawe whe̱re̱ ta shim kuno̱, á tà ra kyem á no̱ baꞌ.

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

Ibrani 12:17

Nama a tá nye anong, a shim atek tú ku te kuce̱ ma be nanyisi, a se̱ baꞌ, kyo̱ndi yin ta ren yin. Kamok a shim a tá shishing ike̱ng iya wu tá nye, a ra kyem'me baꞌ.

aMarkus 6:52

kamok ba ren ike̱ng ife agbang abiredi ame tá sor baꞌ, kamok ike̱ng'e tu se ba whi kaye̱e̱r aye̱.

Afisa 4:18

Kuren ike̱ng ba se whi ne á be kutser kufas kuri kuya Adakunom ta nyesek baꞌ, kamok kuri agbik rice ba ta be ne kushonong ba.