aRom 11:25 - Izere New Testament

²⁵ Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aRom 11:25 Referans Kwoze

aLuka 21:24

Á tà fe̱s ákak ba, ne á yising ákak nong á tà se te ásam niben ikak, áner aya a ta nye áner aYahuda baꞌ, tà shan kuwo̱p aUshalima'me ne á ni fan ma izen ba shining.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aRom 12:16

Sor yin caang be afudang yin. Sang tu kok yin rice naza baꞌ, amma gung yin rice be áya a tu ku di ba kyo̱ndi ike̱ng ikak baꞌ. Sang tu sok yin rice yin ye yin ren yin koakye baꞌ.

Ike̱ng a ta tonong aYohana 10:7

Amma nizen iya amaleka afe kanataar tana fe̱e̱p rigba rifu, nizen iyong ne Adakunom ta taas koakye ike̱ng wu ta tsang a fe̱ be áner kuzarap wu.”

Ike̱ng a ta tonong aYohana 7:9

Nama anong, mi tá fa ye̱re̱k ne mi di rigwo̱m ánerawe whe̱re̱ riya sang akak tana kyem a fa baꞌ. Ánerawe'me nes kaye̱e̱r koakye kaben, ne kaye̱e̱r koakye irem be koakye kuri áner ne koakye izere, an nyeseng nasho̱o̱n itsik rigwo̱m ame nasho̱o̱n Aturuk'e. Á tes akpiin akan be afumung atarkai nibo̱k ba.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

2 aBitrus 3:8

Ároneng ike̱ng ikak kuse izining mi ta shim yin tú tiburum yin'e baꞌ ye, kunom kuzining se kyo̱ndi aye̱ izungu izining nufe Agwo̱m Ágwo̱m ne aye̱ izungu izining se kyo̱ndi kunom kuzining.

1 aKoranti 10:1

Ároneng, mi shim yin tu ren yin ye nizen iya átukop yir tá se be kutseng kaye̱e̱r katse, á tá tar agbang isho̱ng, kune̱n tú fek ba.

aRom 1:13

Ároneng, mi shim yin tu ren yin ye mi n shim kube̱ nufe yin gbugbang, amma ike̱re̱ ikak ti roon kube̱. Mi shim ta se̱ áfudang yin ákak ya tana rasak nabik kaye̱e̱r yin kyo̱ndi mi tá se̱ nufe áner aya sang a ta nye áner aYahuda baꞌ.

1 aKoranti 12:1

To̱, kyo̱o̱rna, ároneng, natoon kunang Kabik Kazhe̱l'e, mi shim yin tú sor kaye̱e̱r kudun kuren baꞌ.

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

aRom 9:18

Kamok anong ne Adakunom ro̱ riye̱ aner aya a ta shim a ta ro̱ riye̱ wu, ne a sak aner aya wu ta shim a ta shonong, nong a ta shonong.

aRom 11:12

To̱, ke rine̱n ba sak kazatse ta se̱ ritek, ku raar ba be̱e̱n áner aya sang á ta nye áner aYahuda baꞌ ritek, i nye ye ritek'e tà shining makiyi nizen iya áner aYahuda tana kubun nufe Adakunom.

aRom 11:24

Yin aya sang i ta nye yin áner aYahuda baꞌ yin se yin kyo̱ndi iwhang kakon iya i ta ta baꞌ, a tin gung be ritin kakon kaya a tá tuus. Iya sang i ta nye atuk kunik kakon'e baꞌ. To̱, kum áner aYahuda ta se kyo̱ndi iwhang kakon iya a ta tuus iya i ta ro̱ baꞌ a tana bun a ku bun'e ritin kakon'e.

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

Afisa 4:18

Kuren ike̱ng ba se whi ne á be kutser kufas kuri kuya Adakunom ta nyesek baꞌ, kamok kuri agbik rice ba ta be ne kushonong ba.

Ike̱ng a ta tonong aYohana 1:20

Ádar kanataar wan ta di nubo̱k riya mi be iro̱ng i ta se nike̱re̱ kanataar naro̱ a tin saas iro̱ng a tá nye be izinariya'me sor ana: Ádar kanataar'ong nye ámaleka nazu ikilisiya kanataar ame, ike̱re̱ ife a tin tes irong kanataar'e nye agbang iwo̱p kanataar ame.