aRom 11:22 - Izere New Testament

²² Aze yir di yir Adakunom be kuro̱ riye̱ ne a se nye̱k nye̱k. A se nye̱k nye̱k be áya a ta kpas, amma a ro̱ riye̱ wan ke wan ya kasho̱o̱n kaye̱e̱r kuro̱ riye̱ wu. Ke anong baꞌ, wan gip a tà ka tun kaye̱e̱r ritin'e.

aRom 11:22 Referans Kwoze

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

1 aKoranti 15:2

Be Rife̱ Ritek na ne yin ti se̱ yin kashesh ke yin yiir yin rife̱ mi tá ka tak yin kpa. Ma ke i se ye yin ti no̱o̱k yin katsak kpe̱de̱ng tsek.

aYohana 15:2

Iwhang iya i ta se kaye̱e̱r'i, i tà tes baꞌ a ta te̱se̱ng. Iwhang'e iya i ta tes, ne a nye gye̱r nong i tin barang kutes dide̱ng.

Ike̱ng a ta tonong aYohana 2:5

Yiring be karo̱ afe wan tú ku se nizham wan tá ra kpa. Shishing kuse wan ne i nye ike̱re̱ iya wan tà nye ime̱se̱ng'e. Ke wan shishing kuse wan baꞌ, to̱, mi saase tà be̱ sok ike̱ng iya a tin te kuro̱ng wan naro̱ a tu ku saas.

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

Ibrani 10:23

Won yir tu yiir yir ike̱ng iya yir ta min te yir riye̱, iya i ta taas yir, kamok wu afe a ta fe̱ ye wu tin nye yir ike̱re̱ na shishing rife̱ wu baꞌ.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

aYohana 8:31

Ayong aYeso fe̱ be áner aYahuda áya a tin no̱o̱k katsak ni wu ye, “Ke yin kuus yin kubo̱so̱p'i, to̱, yin nye yin álimazhiri mi áfe katsak.

1 aTasalonika 3:8

Kamok anong, yir te yir atser, kum yin ta ru nyeseng yin be agap kaye̱e̱r Agwo̱m Ágwo̱m yir.

Itomong Ámanzo 11:23

Nizen iya a tá se no̱, a di ritek Adakunom ta se mak be ba ne riye̱ wu kare̱p. Ayong a fe̱ be ba ye á ra yiir iren Agwo̱m Ágwo̱m be katsak be riye̱ rizining.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

1 aTasalonika 3:5

Kamok anong, mi ta di mi tana kyem i naka tsesek baꞌ, iyong mi tom nong a ta be̱ di kunyeseng yin kaye̱e̱r kuno̱o̱k katsak yin. Mi fok inyim ye ka Aner kuwo̱ro̱k ánerawe, aya a ta nye Ishetan m be̱ a tá ma ka wo̱ro̱k yin ma ta won yin iren'e nong itomong yir tà te kpe̱de̱ng.

1 aYohana 2:19

Ámudo̱n'e se kaye̱e̱r yir nizham a tá ra wuruk, ba kun se mak be yir nigaan'e baꞌ. Ke a fa nye ye ba nye afikuus be yir katsak'e, ke a sor mak be yir. Kukam ba be yir tonong ye ba nye afe yir baꞌ.

aRom 11:21

Ke Adakunom won iwhang'e iya i ta nye atuk kunik kakon'e baꞌ, to̱, a ta won dar a ka turung yin baꞌ.