aRom 11:11 - Izere New Testament

¹¹ Mi bun inye kurip gbak ye. Nizen iya áner Isarela tá turuk kutak, á ba bun á dorok aꞌa? Wayo, ko cie̱k! Kunye rine̱n ba ban kusak áner afe sang á ta nye áner aYahuda baꞌ, ta se̱ kashesh ingya ma áner Isarela tu shishim ba.

aRom 11:11 Referans Kwoze

aRom 11:31

Ba gip, ba shonong Adakunom'me kyo̱o̱rna, nong ba gip ta ma se̱ kuro̱ riye̱ Adakunom kamok Adakunom ta ro̱ riye̱ yin.

aRom 11:12

To̱, ke rine̱n ba sak kazatse ta se̱ ritek, ku raar ba be̱e̱n áner aya sang á ta nye áner aYahuda baꞌ ritek, i nye ye ritek'e tà shining makiyi nizen iya áner aYahuda tana kubun nufe Adakunom.

aRom 10:19

Mi ta bun rip gbak ye: Aner Isarela ren ike̱ng rife̱'me ta sor aꞌa? Ni ime̱se̱ng'e, aMusa fe̱ be ba ye, “Mi ta sak yin ta shishim yin ákak aya yin ta di yin ye a kyem ike̱ng ikak baꞌ. Mi ta ka beseng yin riye̱ be ákak aya yin ta di yin ye a se zizik.”

aRom 11:14

Be anong ne mi ti te riye̱ ye kashim áner'i, áner Isarela ta ka shishim yin, nong ákak ba ta se̱ kashesh.

Itomong Ámanzo 18:6

Amma nizen iya áner aYahuda tá gaar rife̱ aBulus ma á kpaan ku kukas. Kamok anong aBulus waar ares wu, a tá fe̱ be ba ye, “Rine̱n yin se rice yin. Mi be rine̱n akak rice mi ba'. Igang'e be katuur mi ba sen tseng nufe áya a ta nye áner aYahuda baꞌ.”

aRom 11:1

To̱, mi nye kurip: Iyong Adakunom gaar ánerawe wu a? Wayo, cie̱k! Mi be rice mi gip mi nye aner Isarela, aner kasa Ibrahim, kaye̱e̱r izo̱ro̱k aBanyami.

Itomong Ámanzo 13:42

Nizen iya aBulus be aBarnabas ta sen wuruk kaye̱e̱r'e kutu aduwa áner aYahuda yong ánerawe fe̱ be ba ye á ra bun á be̱ á tá ya kasho̱o̱n be rife̱ natoon ike̱re̱ iya ba tan fe̱ kanu natoon'e katuk Asabar afe kasho̱o̱n.

aLuka 20:16

“A tà tseng nong a tà se fe̱s áner wu tú ku no̱o̱k ba aro riko̱'me, ne a won riko̱'me nubo̱k áner ákak ze̱e̱r.” Ánerawe'me tá fa fok anong ne á fe̱ ye, “Adakunom ra roon'e!”