aRom 10:9 - Izere New Testament

⁹ Ke wan fe̱ be kanu wan ye, “aYeso ne a nye Agwo̱m Ágwo̱m,” ne wan bun i ti no̱o̱k katsak kaye̱e̱r riye̱ wan ye Adakunom tú ku dorok nure̱k be kutser, wan tà se̱ kashesh.

aRom 10:9 Referans Kwoze

aLuka 12:8

“Won tà ka tak yin, aner aya ne a fe̱ nasho̱o̱n ánerawe ye wu ti ren, Igon Anerawe tà fe̱ ye wu tu ren gip nasho̱o̱n ámaleka Adakunom.

Itomong Ámanzo 16:31

Ayong aBulus be aSila ame fe̱ be wu ye, “Ni no̱o̱k katsak na Agwo̱m Ágwo̱m yir aYeso, wan ta se̱ kashesh wan be áfekari wan peer.”

aFilipi 2:11

Ne koakye irem tà fe̱ ye, aYeso Kiristi nye Agwo̱m Ágwo̱m, nong a tà tiyiik Adakunom a ta nye Ada.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

aRom 14:11

Kamok i se ni izibir ye, “Agwo̱m Ágwo̱m fe̱ ye, ‘Mi shu ye, koangan ta tigbok akuur nasho̱o̱n'i, koangan ta fe̱ be kanu wu ye mi ne i nye Adakunom.’ ”

1 aKoranti 12:3

Kamok anong mi shim yin tu ren yin ye, aner akak kuse aya a ta be Kabik Adakunom a tana fe̱ ye, “A ra fiming aYeso baꞌ.” Akak kyem a ta fe̱ ye, “aYeso nye Agwo̱m Ágwo̱m” baꞌ, ma ke a be Kabik Kazhe̱l'e.

2 aYohana 1:7

Áfe kuwo̱ro̱k ánerawe whe̱re̱ ye sang aYeso Kiristi be̱ nuro̱m baꞌ, án no̱ kaye̱e̱r kazatse. Ke aner akak fe̱ anong i nye ye a be abo̱o̱s ne i nye ye a nye amudo̱n aYeso Kiristi.

aYohana 9:22

Átek'e fe̱ anong kamok á fok inyim áner aYahuda'me, kamok áner aYahuda tsang á sak ye aner aya ne a fe̱ ye aYeso nye aKiristi, á tú ku tun kaye̱e̱r atu aduwa ba.

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

Itomong Ámanzo 2:24

Adakunom tú ku dorok nure̱k be kutser, a tú ku kam be amaan risam riku kamok riku kyem ri tú ku yiir baꞌ.

Itomong Ámanzo 2:32

aYeso'me ayong ne Adakunom tú ku dorok nure̱k be kutser, yir cice̱r yir ren yir ye i se anong dim.

aRom 4:24

amma a zibir kamok yir, yir gip, yir áya Adakunom ta min sak yir i ta te yir gye̱r nasho̱o̱n wu, yir áya i ti no̱o̱k yir katsak ni wu aya a tá dorok aYeso Agwo̱m Ágwo̱m yir nure̱k.

aRom 10:10

Kamok kaye̱e̱r riye̱ wan ne wan ti no̱o̱k katsak nong ta se̱ kute gye̱r nasho̱o̱n Adakunom, ne wan fe̱ kuno̱o̱k katsak wan be kanu wan, ne wan se̱ kashesh.

aRom 14:9

aKiristi ku a ta bun a dorok be kutser nong a ta sor Agwo̱m Ágwo̱m áfe aya a tan kus ne áya a ta nye atser.

1 aYohana 4:15

Aner aya a ta fe̱ ye aYeso nye Igon Adakunom, Adakunom se kaye̱e̱r wu ne wu se kaye̱e̱r Adakunom gip.