aRom 10:3 - Izere New Testament

³ Kum ba ta dun iren i tana sak anerawe tana te gye̱r nasho̱o̱n Adakunom, a tse̱r iren ifuba iya ba ta di ye i ta kyem i ka sak ba a ta te gye̱r nasho̱o̱n Adakunom, iyong ne i sak ba ta gaar iren i tana sak ánerawe ta te gye̱r nasho̱o̱n Adakunom.

aRom 10:3 Referans Kwoze

aFilipi 3:9

ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aRom 5:19

Kyo̱ndi kushonong aner azining tá sak ánerawe whe̱re̱ ta te áfe rine̱n, anong ne aner whe̱re̱ ta se̱ kute gye̱r nasho̱o̱n Adakunom kamok kuwon dar kushonong aner azining.

aRom 1:17

Kamok kaye̱e̱r'e ne a ti tonong iren ku te gye̱r nasho̱o̱n Adakunom, ku te gye̱r'e nye kuno̱o̱k katsak ni ime̱se̱ng'e ma nigang'e. Kyo̱ndi i ta se ni zibir ye, “Aner aya a ta se gye̱r nasho̱o̱n Adakunom ta sor kaye̱e̱r kuno̱o̱k katsak.”

aRom 3:22

Adakunom sak koangan aya a tin no̱o̱k katsak na aYeso Kiristi ta te gye̱r nasho̱o̱n wu. Sang a ti kasa baꞌ.

aLuka 10:29

A shim ke a tonong ye wu se gye̱r nasho̱o̱n Adakunom, ayong a rip aYeso ye, “To̱, angan ne a nye afegbak'i e̱?”

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aRom 3:26

Be anong ne Adakunom tonong nizen na ye wu be rice wu nye aner katsak ne kuse kutek, nong a ta tonong katsak'e ne a sak koangan afe a tin no̱o̱k katsak na aYeso a ta te aner a ta se gye̱r nasho̱o̱n wu.

aRom 10:2

Kamok mi ren kuri ifeng iya ba ta be nikuus Adakunom, amma ifeng ba'me ra se natoon katsak baꞌ.

aRom 10:20

Ishaya bun a nye riye̱ ritser a tá fe̱ ye, Adakunom fe̱ ye: “Áner aya á tin tse̱r baꞌ, ba ne a ti se̱. Mi tonong rice mi nufe áya sang á ta tse̱r karo̱ mi baꞌ.”

aRom 11:7

To̱, yong ta fe̱ yir ane̱ makong e̱? Aner Isarela se̱ ike̱ng iya ba ta tse̱r be ifeng baꞌ, amma áya a tá kasa tsek ne a se̱, ribir'e Adakunom sak ba ta shonong.