Á tá fa fok anong ne á kerek Adakunom. Iyong á fe̱ be aBulus ye, “Aroneng wan di wa, áner aYahuda whe̱re̱ min no̱o̱k katsak. Cice̱r ba á ti be rifup kukuus Itsi aMusa.
Kum ba ta dun iren i tana sak anerawe tana te gye̱r nasho̱o̱n Adakunom, a tse̱r iren ifuba iya ba ta di ye i ta kyem i ka sak ba a ta te gye̱r nasho̱o̱n Adakunom, iyong ne i sak ba ta gaar iren i tana sak ánerawe ta te gye̱r nasho̱o̱n Adakunom.
Mi nye kasho̱o̱n kaye̱e̱r áfe ku kuus itsi áner aYahuda ne i nar áner aYahuda'me ákak whe̱r aya a tá nye áfe izam'i, ne i be ifeng kukuus igo̱o̱n asho̱n yir.
Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.
Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.
“Mi nye aner aYahuda, a ti tes na aTarsus niben aKilikiya, amma mi ta aze nuwo̱p na. Mi fa afumung nubo̱k aGamaliya, aya a tin bo̱so̱p itsi átukop yir. Mi ti be ifeng dide̱ng ninye itomong Adakunom kyo̱ndi yin ta be yin katuur.
Ne á tasak ye, “Áro̱ áner Isarela, be̱ yin tin se̱ mo yir. Di yin, aner na ne a tsang a kar koake̱ ne a fe̱ ike̱re̱ imaan'e natoon ánerawe yir be Itsi yir ne kutu kuya Adakunom iben yir. Ma a n be̱e̱n be aner aHeleni kaye̱e̱r kutu kuya Adakunom iben nong a ta te kye̱re̱ be karo̱ Kazhe̱l'e na.”
Yin se yin kaye̱e̱r riye̱ rikan, yong akye̱ ta se̱ yin e̱? Mi ta kyem i taas ye ke a fa fe̱ ye yin ta kyem i turung yin ányisi yin tin no̱o̱k yin, ke yin nye yin anong.
Ánerawe foos ike̱re̱ aBulus tá fe̱ cei. Nizen iya a tá fe̱ itak kutseng nufe áner aya a ta nye aner aYahuda baꞌ, ne á ta kuto̱ naza á tá korok ikun ye, “A ku fe̱r. A tas aner a tana ku won be kutser baꞌ.”