aRom 10:18 - Izere New Testament

¹⁸ Mi rip ana'ong, katsak'e ba fok aꞌa? A fok ko̱! Kyo̱ndi rife̱ Adakunom ta fe̱ ye, “Kuto̱ ba n tseng koake̱ kaye̱e̱r kazatse, rife̱ ba n tseng nigang kazatse.”

aRom 10:18 Referans Kwoze

aRom 1:8

Ni ime̱se̱ng'e, mi be riye̱ rikan be Adakunom kaye̱e̱r riyerek aYeso Kiristi kamok yin cice̱r kamok ánerawe fe̱ itak kuno̱o̱k katsak yin koake̱ kaye̱e̱r kazatse.

aMatiyu 24:14

Á ta taas Rife̱ Ritek na natoon rigwo̱m kaza kaye̱e̱r kazatse na cei nong i ta sor asheda natoon koangan, ne igang'e ma be̱.

1 aTasalonika 1:8

Yin sak yin rife̱ Agwo̱m Ágwo̱m tá no̱ koake̱ sang kaye̱e̱r iben aMakidoniya ne Akaya tsek baꞌ, amma koake̱ ren kuri kuno̱o̱k katsak yin ta be yin kaye̱e̱r Adakunom sang ma yir ba bun i fe̱ yir ike̱ng ikak natoon'e baꞌ.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aMarkus 16:15

A fe̱ be ba ye, “Tseng yin koake̱ kaye̱e̱r kazatse, se taas yin ánerawe cice̱r Rife̱ Ritek'e.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

aMatiyu 26:13

Katsak'e ne mi ta ka tak yin, koake̱ ne a tana taas Rife̱ Ritek na kaye̱e̱r kazatse, ma a yiring be abining na ne ike̱ng wu tin nye'me.”

aMatiyu 4:8

Ne Ishetan ame bun a tseng be wu natoon rifan ri ta se garang dide̱ng gbak, nong a tú ku tosong rigwo̱m kazatse ne kuyiik'e cice̱r.

aRom 15:19

kaye̱e̱r kukyem kunye ike̱re̱ azhing ne itomong azhing, kaye̱e̱r kukyem Kabik. Kum a ta san'e na aUshalima ma a gorok'e ma na Ilirikum, mi taas Rife̱ Ritek natoon aKiristi cei.

Itomong Ámanzo 28:23

Iyong á ti sak kunom a tana nyim be aBulus. Ánerawe whe̱re̱ be̱s azong naro̱ wu tú ku sor. Nadiding ma nawheshirim a yiir ku kutaas ba rife̱ natoon rigwo̱m Adakunom ne a tse̱r iren a tana sok aye̱ ánerawe nong á ta kuus aYeso ne a ninye itomong be Itsi aMusa ne afumung áner Kuzarap.

aMarkus 16:20

Álimazhiri wu ame tseng nong á ta se taas Rife̱ Ritek koake̱. Agwo̱m Ágwo̱m ti nye itomong be ba dide̱ng. A tonong ye rife̱ ba be katsak be ike̱re̱ azhing iya ba tá nye mak be rife̱'me.]

Itomong Ámanzo 26:20

Ni ime̱se̱ng'e, mi san kutaas áner aDamaskus rife̱ Adakunom ne áya a ta se na aUshalima ne áfe iben aYahuda cice̱r. Mi bun i taas áya sang á ta nye áner aYahuda baꞌ, ye á ra shishing kuse ba nong á tu ku bun nufe Adakunom ne á nye ike̱re̱ iya i tana tonong ye ba n shishing kuse ba.

Itomong Ámanzo 1:8

Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.”