aRom 10:17 - Izere New Testament

¹⁷ Kamok anong, a ti no̱o̱k katsak rife̱ ke a fok rife̱'me. A fok rife̱'me nizen iya a ta nye awazi Rife̱ Ritek natoon aKiristi.

aRom 10:17 Referans Kwoze

aGalati 3:2

Mi shim ta ka rip yin ike̱ng ikak izining, yin se̱ yin Kabik Kazhe̱l'e kamok yin ta kuus yin Itsi ka kamok yin tin no̱o̱k katsak nike̱ng iya yin tá fok yin e̱?

aGalati 3:5

Adakunom ta ka no̱o̱k yin Kabik wu ne a nye itomong azhing kaye̱e̱r yin, kamok yin ta kuus yin Itsi ka kamok yin tin no̱o̱k yin katsak nike̱ng yin tá fok yin e̱?

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

aMarkus 4:24

aYeso bun a fe̱ be ba ye, “Sak yin riye̱ be ike̱ng ife yin tá fok yin. Kuri kures kufe wan tin maas akak'e, kuri kuyong ne a ta ka maas ko'me, ma i ta nar anong.

aLuka 8:21

Ayong aYeso fe̱ be ba ye, “Ango̱ mi be áronyining'i nye áfe a ta fok rife̱ Adakunom ne á ninye itomong.”

aRom 1:16

Mi fok isum kutaas Rife̱ Ritek aYeso baꞌ, kamok ri nye kukyem Adakunom nong a tin shesh koangan afe a tin no̱o̱k katsak, ni ime̱se̱ng'e nye rife áner aYahuda ne áner aya a ta nye áner aYahuda baꞌ, ni kuus.

aRom 10:14

To̱, ane̱ ne ba ta yis aner aya afe sang ba tin no̱o̱k katsak baꞌ e̱? A ta nye ane̱ á tin no̱o̱k katsak na aner aya ba ta kum ku fok baꞌ e̱? Ne á nye ane̱ á ta fok ke akak tu ku nye ba awazi baꞌ e̱?

1 aBitrus 1:23

Kamok a bun a ma ka tes yin sang be ike̱ng iya i tana beseng ba, amma a ta ka tes yin be rife̱ Adakunom, rife kutser rife izen izen.

aLuka 8:11

“Iyu ne i nye ike̱ng iya kumaas'e ta sor, íca naya'me nye rife̱ Adakunom.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

2 aKoranti 2:17

Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.

Ibrani 4:2

Kamok a min taas yir Rife̱ Ritek kyo̱ndi a tá ka taas ba. Amma rife̱ ba tá fok sor ike̱ng ikak nufu ba baꞌ, kamok áfe á tá fok ti no̱o̱k katsak baꞌ.

aYohana 1:37

Nizen iya álimazhiri afa ame tá fa fok anong, yong á kuus aYeso.