aRom 10:15 - Izere New Testament

¹⁵ Á ta nye ane̱ á ta nye awazi sang ke a tú ku tom ba baꞌ e̱? Kyo̱ndi i ta se ni izibir kaye̱e̱r rife̱ Adakunom ye, “Wan fa di atak aner aya a ta taas Rife̱ Ritek ta saas baꞌ.”

aRom 10:15 Referans Kwoze

Afisa 2:17

A be̱ a tà ka taas yin, áya sang i ta nye yin áner aYahuda baꞌ, ne yin áner aYahuda Rife̱ Ritek rife̱ kusor caang.

Afisa 6:15

Kanye̱k kutaas Rife̱ Ritek, tu sor kyo̱ndi akpatak na atak yin.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

1 aBitrus 1:12

Adakunom tú ku tak ba ye sang ba nye itomong rice ba baꞌ, amma á tá nye yin'e nizen ba tá nye kuzarap'ong cice̱r. Kyo̱o̱rna áya a tá ka taas yin Rife̱ Ritek na, á tá ka taas yin kyo̱ndi Kabik Kazhe̱l'e kaya Adakunom tá tom'e kaye̱e̱r kaza ta ka tees ba. Ámaleka gip á shim kuren ike̱re̱ na dide̱ng.

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

Itomong Ámanzo 13:26

“Ároneng, inoon atukop yir Ibrahim be yin áner i ta nye yin áner Isarela baꞌ, áya i ta fok yin inyim Adakunom, kutom itak kashesh kuya Adakunom ta tom na'me nye kufe yir cice̱r.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

aLuka 10:1

Nama anong, aYeso kasa áner iso̱k kanataar be afa nong a tú ku tom ba afufa afufa nasho̱o̱n wu ye á ru tseng kaye̱e̱r koakye kuwo̱p be ni naro̱ wu tana tseng cice̱r.

aLuka 8:1

Nama anong, aYeso tsang a tseng ni iwo̱p igbang'e be izhizhe̱k'e, ne a taas Rife̱ Ritek natoon rigwo̱m Adakunom, álimazhiri kuso̱k be afa ame se mak be wu.

aLuka 2:14

“Kuyiik nye kufe Adakunom aza kaye̱e̱r kaza, nazatse kameneng riye̱ kuse nufe áner áfe wu ta shim.”

aLuka 2:10

Amma amaleka'me fe̱ be ba ye, “Sang tu fok yin inyim baꞌ, mi ma ka be̱e̱n yin Rife̱ Ritek rife̱ riye̱ rikan dide̱ng, riya ri ta nye rife̱ ánerawe cice̱r.

aMatiyu 9:38

Kamok anong nye yin aduwa nong atek riko̱'me tin barang áfe a tana ku nye itomong ishamang'e.”

Itomong Ámanzo 10:36

Rife̱ Adakunom tá tom áner Isarela'me nye itak kutaas Rife̱ Ritek rife̱ ne kusor kutek kaye̱e̱r aYeso Kiristi Agwo̱m Ágwo̱m yir cice̱r.

aRom 1:15

Iyong ne i sak mi ta be ifeng ke i ka taas yin Rife̱ Ritek'e yin áfe i ta se yin na aRom gip.

aRom 15:20

Koakye izen mi shim ke mi se taas Rife̱ Ritek naro̱ kaya sang a ta ren aKiristi baꞌ, nong fan i bu se kyo̱ndi mi bun i sen no̱k natoon ribor akak.