aRom 1:6 - Izere New Testament

⁶ Yin gip, yin ti se yin kaye̱e̱r áya a tá yis nong ta te yin áfe aYeso Kiristi.

aRom 1:6 Referans Kwoze

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

2 aBitrus 1:10

Kamok anong ároneng, nye yin koakye ife yin tana kyem i nye yin nong ta tonong yin ye Adakunom ma ka yis yin ne a ka kasa yin. Ke yin nye yin anong yin ta kpa yin baꞌ, ko cie̱k.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

1 aKoranti 1:9

Adakunom afe a tá ka yis yin, nong ta gung yin rice be igon wu aYeso Kiristi Agwo̱m Ágwo̱m yir, a nye aner aya a ta fe̱ ike̱ng ne a nye.

1 aBitrus 2:21

Kamok kuri risam'ong ne Agwo̱m Ágwo̱m tá yis mo yin. aKiristi gip a so̱ risam kamok yin. Be anong ne a tá won mo yin ane̱ wu nong tà kuus yin.

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

Afisa 1:11

Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

2 aTasalonika 2:14

Adakunom tá ka yis yin be Rife̱ Ritek'ong, rife yin tá fok yin nufe yir, nong yin tà se̱ yin kuyiik Agwo̱m Ágwo̱m yir aYeso Kiristi.

1 aTasalonika 2:12

Yir ta nyesek yin itabak ne i ka tsesek yin ne i bun i ka nye yin akusuk nong ta sor yin kuri kusor kuya Adakunom ta shim kamok wu ne a tá ka yis yin kaye̱e̱r kuyiik wu ne rigwo̱m wu.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aGalati 1:6

Ike̱ng'e ti sor ike̱ng azhing yin ta wor i sen won yin Adakunom afe a tá ka yis yin be ritek aKiristi nong i ta sen kubun yin rife̱ riduk zizirik anong.

aRom 9:24

Yir gip, áya wu tá yis sang kaye̱e̱r áner aYahuda tsek baꞌ, amma be áya sang á ta nye áner aYahuda baꞌ gip.

aKolosi 1:21

Gbugbang, yin tsang i se yin gugo̱k be Adakunom ma i te yin ámudo̱n wu kaye̱e̱r aye̱ yin kamok amaan kunye yin.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.