aRom 1:3 - Izere New Testament

³ Rife̱ Ritek'e se natoon Igon wu aya a tá nye kuri aDauda nuro̱m.

aRom 1:3 Referans Kwoze

aMatiyu 1:1

Izibir natoon izo̱ro̱k iya aYeso Kiristi Igon aDauda tú ku wuruk, kaye̱e̱r kasa Ibrahim.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aLuka 1:35

Ayong amaleka'me fe̱ be wu ye, “Kabik Kazhe̱l'e tin tiik natoon wan ne kukyem Adakunom ka kis. Kamok anong, a tà yis azhe̱l'e ayong, wan tana tes'ong ye Igon Adakunom.

1 aTasalonika 1:10

ne i tor yin izen kube̱ Igon wu a tana ne naza. Adakunom tú ku dorok be kutser, wu ne a nye aYeso aya a tanin shesh yir kaye̱e̱r riye̱ kubeseng ri tà saase.

aRom 9:5

Kunik ba ne kaye̱e̱r átukop átukop áya a tá ren dide̱ng. aKiristi, kaye̱e̱r kuto̱ro̱ng rinerawe wuruk kaye̱e̱r kuri ba. Won Adakunom aya a ti nye rigwo̱m natoon koakye tu se̱ nakerek ma izen izen. Anong!

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 10:30

Mi be Ada'me i se yir ázining.”

aMatiyu 1:16

Ne aYakub tes aYusufu a tá nye amitek aMarya aya a tá tes aYeso, aya a tú ku yis ye aKiristi.

2 aTimoti 2:8

Yiring be aYeso Kiristi aya a tú ku dorok nure̱k, aya a tá nye aner kasa aDauda kyo̱ndi Rife̱ Ritek riya mi tá taas, tá fe̱.

1 aKoranti 1:9

Adakunom afe a tá ka yis yin, nong ta gung yin rice be igon wu aYeso Kiristi Agwo̱m Ágwo̱m yir, a nye aner aya a ta fe̱ ike̱ng ne a nye.

Itomong Ámanzo 2:30

Amma a nye aner kuzarap, a ren ye Adakunom tsang shu ye wu tá sak aner akak kaye̱e̱r kuri wu tá te agwo̱m kyo̱ndi wu.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 5:25

Katsak'e, mi ta ka tak yin, izen saase, n nye gip ma iya áya a tan kus tana fok kuto̱ Igon Adakunom, áya a tana fok ta se̱ kutser.

aLuka 1:69

A min no̱o̱k yir aner kashesh aya a ta be kukyem, kaye̱e̱r kasa asam wu aDauda.

aMatiyu 27:43

A ti fe̱re̱ng na Adakunom. Won Adakunom'me tu ku shesh. Wu fe̱ ye wu nye Igon Adakunom.”

aMatiyu 26:63

Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

aMatiyu 15:22

Abining akak tuse azong a tá nye abafe aKana'me be̱ nufu be kanak ye, “Atekasa, Igon aDauda, ro̱ riye̱ mi, angas'i so̱ risam dide̱ng be amaan kabik.”

aMatiyu 12:23

Ánerawe cice̱r te zhing ne á fe̱ ye, “Ayu ne a nye Igon aDauda aꞌa?”

aMatiyu 9:27

aYeso tá fa won azong, iyong ákpato̱o̱n afa san ku kukuus ne á tang kuto̱ ne á ku yis ye, “Igon aDauda, ro̱ riye̱ yir!”

aMatiyu 3:17

Ne kuto̱ kukak wuruk naza ye, “Wan ne inye Igon'i kaya mi ta shim. Mi fok kusas wu dide̱ng.”

aMatiyu 1:6

aZhese ne a nye atek aDauda a tá nye agwo̱m. aDauda ne a tes aSolomon anyining wu tá tsang a nye abining aYuriya.

Ike̱ng a ta tonong aYohana 2:18

“Zibir amaleka ikilisiya aTiyatira ye: Rife̱ na ne nufe Igon Adakunom, aya anyisi wu ta se kyo̱ndi icen kuro̱ng ne atak wu gye̱se̱m kyo̱ndi kutso̱m.

2 aYohana 1:7

Áfe kuwo̱ro̱k ánerawe whe̱re̱ ye sang aYeso Kiristi be̱ nuro̱m baꞌ, án no̱ kaye̱e̱r kazatse. Ke aner akak fe̱ anong i nye ye a be abo̱o̱s ne i nye ye a nye amudo̱n aYeso Kiristi.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

1 aYohana 5:5

Angan ta kyem a canang kazatse'me e̱? Aya a ta no̱o̱k katsak ye aYeso ne a nye Igon Adakunom tsek.

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

1 aYohana 4:15

Aner aya a ta fe̱ ye aYeso nye Igon Adakunom, Adakunom se kaye̱e̱r wu ne wu se kaye̱e̱r Adakunom gip.

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.

1 aYohana 3:8

Amma aya a ta yiir nye rine̱n nye afe Ishetan kamok Ishetan n me̱ ne a nye rine̱n kum ni ime̱se̱ng'e. Iyu ne i sak Igon Adakunom'me tá be̱ nong a tà yirik ike̱re̱ Ishetan'e tá nye cei.

1 aYohana 1:3

Yir sen ka taas yin rife̱ natoon aya yir tá di yir ne yir ku fok yir, nong ase̱ yir tà te yir kyo̱ndi aner azining ne kusor yir se kuzining be Adakunom a ta nye Ada'me ne Igon wu aYeso Kiristi.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aRom 1:9

Adakunom aya mi tu ku nye itomong be riye̱ rizining kaye̱e̱r kutaas Rife̱ Ritek Igon wu aYeso, ren kuri aduwa mi ta yiir nye ne i yiring be yin.

Itomong Ámanzo 9:20

Ashawulu wor a kpaan kunye awazi aYeso kaye̱e̱r atu aduwa áner aYahuda ye aYeso nye Igon Adakunom.

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

Itomong Ámanzo 3:13

Adakunom aya a ta nye afe Ibrahim ne a nye afe Ishaku ne a nye afe aYakub, Adakunom atukop yir, wu ne a tiyiik asam wu aYeso. Yin tú ku sok yin i tá no̱o̱k yin áko̱k kasho̱o̱n nong á tú ku fe̱r. Yin tú ku rayin nasho̱o̱n aBilatus, aBilatus'e shim a tú ku won gye̱rtatan.

aYohana 7:42

Kufumung izibir rife̱ Adakunom fe̱ ye, aKiristi tà ne kaye̱e̱r kasa aDauda na aBetalami nuwo̱p aDauda tú ku sor aꞌa?”

aYohana 1:34

Mi di anong, kamok anong mi ta kyem i fe̱ koakye natoon wu ye, wu ne a nye Igon Adakunom.”

aRom 4:1

Iyong ta fe̱ yir ane̱ natoon Ibrahim afe a tá nye atukop yir e̱? I kuse ane̱ be wu natoon kuno̱o̱k katsak e̱?

aRom 9:3

Ye a fa fe̱ ye mi be rice mi ne a ti fiming a bun a tin kam be aKiristi nong ároneng afe izere mi ta se̱ kashesh, to̱ tsek,

1 aKoranti 10:18

Ye̱re̱k yin áner Isarela ta di yin, áfe a tá ya naya asidaka Adakunom gung rice ba be asidaka'me a ta nye na abagadi aꞌa?

1 aTimoti 2:5

Kamok Adakunom se azining, aner aya a ta no̱ natite Adakunom be ánerawe se azining, aner'e nye aYeso Kiristi.