aRom 1:18 - Izere New Testament

¹⁸ Adakunom sen tonong riye̱ kubeseng wu ri ta ne naza natoon áya a ta zhe̱e̱sh Adakunom ne amaan kunye ánerawe áya a ta she̱re̱k katsak kaye̱e̱r amaan kunye ba.

aRom 1:18 Referans Kwoze

Afisa 5:6

Sang tu won yin akak ta ka wo̱ro̱k yin be nadirik kamok be kuri rine̱n kuri riyong ne riye̱ kubeseng Adakunom tin tiik natoon áfe kushonong.

aRom 1:32

A ren Itsi Adakunom iya i ta fe̱ ye a ra fe̱s áner aya a ta nye ike̱re̱ kuri iyu gye̱rtatan, amma á nye ike̱re̱ kuri iyong'e tsek baꞌ, amma á kuus kama áya a ta nye anong.

aKolosi 3:6

Kamok amaan kunye'ong ne riye̱ kubeseng Adakunom sen ni tiik natoon ánerawe.

2 aTasalonika 2:10

be iriri itomong ife kuwo̱ro̱k ánerawe áya a ta se niren kuwei. Á ta no̱ niwei kamok á raba kushim katsak nong á ta se̱ kashesh.

aRom 6:13

Sang tu no̱o̱k yin afe kuro̱m yir abas akak kamok rine̱n baꞌ nong ku ta sor ares amaan kunye baꞌ. Amma no̱o̱k yin Adakunom rice yin kyo̱ndi áner aya a tú ku tun ba kaye̱e̱r riku nong a tú ku bun kaye̱e̱r kutser. Ne i no̱o̱k yin rice yin kyo̱ndi ares ku ninye ike̱re̱ i ta se gye̱r nasho̱o̱n Adakunom.

aRom 5:9

Kum naso̱k aYeso ta sak yir ta te yir gye̱r nasho̱o̱n Adakunom, shita kyo̱o̱rna baꞌ a tin shesh kamok aKiristi fan riye̱ kubeseng Adakunom bu ni se̱ yir.

aRom 4:15

Itsi ta kyem i be̱e̱n riye̱ kubeseng Adakunom. Karo̱ kaya ne Itsi tu kuse baꞌ, kutaam tu kuse baꞌ.

aRom 1:28

Kum ánerawe'me ta gaar kushan Adakunom, Adakunom tú ku won ba kaye̱e̱r amaan kuto̱ro̱ng ba yong a ma tsang a nye ike̱re̱ iya i tá taas ke ba nye baꞌ.

aRom 2:3

Kamok anong ke wan afe i ta nye anerawe tsek, wan to̱ akak amok natoon ike̱re̱ iya wu tá nye, amma ne wan nye ike̱re̱'ong, wan di ye wan tà wher amok Adakunom a?

aRom 1:19

Kamok koakye ike̱ng iya a tana ren natoon Adakunom se kanang nufuba kamok Adakunom ne a tú ku tonong ba.

aRom 5:6

Kamok nizen'e dim, kum ne yir ta kyem i naka tobok yir baꞌ, aKiristi ku kamok yir, yir afe i ta rayir Adakunom.

aRom 3:9

Iyong yir ta fe̱ yir ane̱ makong e̱? Ka yir áner aYahuda yir nar yir ribir ánerawe a? Ko cie̱k. Yir n tonong yir ye áner aYahuda be áya sang á ta nye áner aYahuda baꞌ, cice̱r a se kaye̱e̱r kukyem rine̱n.

2 aTasalonika 2:6

To̱ kyo̱o̱rna, yin ren yin ike̱ng ife i tu ku te̱ne̱ng kube̱'me, a tà be̱ nizen iya Adakunom ta di i se gye̱r.