aRom 1:16 - Izere New Testament

¹⁶ Mi fok isum kutaas Rife̱ Ritek aYeso baꞌ, kamok ri nye kukyem Adakunom nong a tin shesh koangan afe a tin no̱o̱k katsak, ni ime̱se̱ng'e nye rife áner aYahuda ne áner aya a ta nye áner aYahuda baꞌ, ni kuus.

aRom 1:16 Referans Kwoze

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

1 aBitrus 4:16

Ke ákak yin ta so̱ risam kamok yin nye yin áfikuus, sang tu fok yin isum baꞌ, ban i kerek yin Adakunom ingya kamok á ta ka yis yin be riyerek'ong.

2 aTimoti 1:12

Ike̱ng i ta sak mi ta sen so̱ risam kuri riyuna'ong. Gip be anong mi fok isum baꞌ, kamok mi ren kuri aner aya mi tin no̱o̱k katsak ni wu ne i bun i ren tse̱ng tse̱ng ye a be kukyem kufe a tanin sak riye̱ nike̱ng iya a tin won amana'me ma Katuk'ong.

aLuka 9:26

Koangan afe a ta fok isum mi be rife̱ mi, Igon Anerawe ta fok isum wu nizen iya wu tana be̱ kaye̱e̱r kuyiik wu be kuyiik Ada wu ne kufe ámaleka azhe̱l'e.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

1 aKoranti 2:4

Iren iya mi ta ka taas yin ne ike̱re̱ iya mi ta ka taas yin se be ritseng ka be rife̱ re̱m re̱m baꞌ, i se natoon kukyem Kabik Adakunom tá tonong,

1 aKoranti 2:2

Katsak'e, mi shim be riye̱ mi nong i tá wobok koakye ike̱ng mi tá ren nizen mi ta se mak be yin, ma ke itak natoon aYeso Kiristi be ku kutigak tsek.

aRom 10:17

Kamok anong, a ti no̱o̱k katsak rife̱ ke a fok rife̱'me. A fok rife̱'me nizen iya a ta nye awazi Rife̱ Ritek natoon aKiristi.

Ibrani 4:12

Katsak'e rife̱ Adakunom be kutser ne ri be agap itomong. Agap wu nar afe awe̱n iya i i ta ya abas afa. a te̱m ma kaye̱e̱r kuro̱m ánerawe nong a ta kam kutser be kabik ne ikap be ise̱re̱, ma i ren kuto̱ro̱ng riye̱ anerawe be kunye wu.

1 aKoranti 15:2

Be Rife̱ Ritek na ne yin ti se̱ yin kashesh ke yin yiir yin rife̱ mi tá ka tak yin kpa. Ma ke i se ye yin ti no̱o̱k yin katsak kpe̱de̱ng tsek.

aGalati 1:7

Rife̱ Ritek rika kuse ze̱e̱r be riyu baꞌ. Mi fe̱ anong kamok ákak kuse a tan sok kuto̱ro̱ng yin ne a tse̱r iren a tana shishing katsak Rife̱ Ritek aKiristi.

aRom 2:9

Koangan afe a ta nye ike̱re̱ imaan'e, a tà so̱ risam ne a fok kuro̱'me, a ta san'e be áner aYahuda ne áya sang á ta nye áner aYahuda baꞌ, ni kuus.

Itomong Ámanzo 3:26

Nizen iya Adakunom tá kasa asam wu, a tú ku tom nufe yin ni ime̱se̱ng'e nong a tá ka te yin ritek ne a sak koangan kaye̱e̱r yin ta shishing kuse nong a tá won amaan kunye wu.”

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

1 aTimoti 1:11

Kubo̱so̱p na se natoon ayiik Rife̱ Ritek Adakunom aya ánerawe tu ku kerek, a tin won'e nubo̱k nong ta no̱o̱k ákak.

2 aKoranti 9:13

Kamok itomong na ife yin ta min tonong yin rice yin, ánerawe ta kerek Adakunom kamok yin kuus yin Rife̱ Ritek aKiristi, ne i kasap yin ike̱re̱ yin mak be ba ne ribir áfikuus.

2 aKoranti 2:12

Nizen mi ta fa tseng na aToruwas nong ta se nye awazi Rife̱ Ritek aKiristi, mi se se̱ Agwo̱m Ágwo̱m tsang a min n karak iren.

1 aKoranti 9:18

Akye̱ ne mi se̱s makong e̱? Ishorong'e nye kutaas Rife̱ Ritek aYeso nawarak dar kuse̱ ike̱ng iya i ta se gye̱r ke mi se̱ kaye̱e̱r itomong kutaas Rife̱ Ritek'e.

1 aKoranti 9:12

Ke ákak kyem á ya nubo̱k yin, aser fa gye̱ ke yir ya yir nubo̱k yin ne i nar yir aꞌa? Yir nye yir anong baꞌ, yir ti fan yir anong be koakye fan yir bu te̱ne̱ng yir kuya kasho̱o̱n Rife̱ Ritek aKiristi.

aRom 15:29

Mi ren nizen iya mi tana be̱ nufe yin, mi tà be̱ be agbang ritek Kiristi.

aRom 15:19

kaye̱e̱r kukyem kunye ike̱re̱ azhing ne itomong azhing, kaye̱e̱r kukyem Kabik. Kum a ta san'e na aUshalima ma a gorok'e ma na Ilirikum, mi taas Rife̱ Ritek natoon aKiristi cei.

2 aTimoti 1:16

Won Agwo̱m Ágwo̱m tu ro̱ riye̱ áfekasa aOnesiforus, kamok koakye izen a yiir ni tsesek a fok isum ye mi se nitso̱m baꞌ.

aRom 4:11

Amma a tú ku nye izhak'e nong i tà sor ike̱ng iya i tana tonong ye wu se gye̱r nasho̱o̱n Adakunom. A te gye̱r nasho̱o̱n Adakunom kamok kuno̱o̱k katsak wu nizham a tá ra ku nye izhak. Kamok anong Ibrahim te Ada koangan afe a tin no̱o̱k katsak na Adakunom, amma a ta ma ku nye izhak'e baꞌ, nong ase̱ Adakunom ta sak ba ta te gye̱r nasho̱o̱n wu gip.

aYohana 7:35

Áner aYahuda'me fe̱ awan ba ye, “Ake̱ ne wu be, yir tana kyem i tseng yir baꞌ e̱? Ka a be nufe ánerawe yir áya a ta te shaam á ta sor be áner aHeleni, nong a bo̱so̱p áner aHeleni'me a?