aRom 1:15 - Izere New Testament

¹⁵ Iyong ne i sak mi ta be ifeng ke i ka taas yin Rife̱ Ritek'e yin áfe i ta se yin na aRom gip.

aRom 1:15 Referans Kwoze

aRom 15:20

Koakye izen mi shim ke mi se taas Rife̱ Ritek naro̱ kaya sang a ta ren aKiristi baꞌ, nong fan i bu se kyo̱ndi mi bun i sen no̱k natoon ribor akak.

1 aKoranti 9:17

A fa fe̱ ye mi taas Rife̱ Ritek aYeso kamok kushim riye̱ mi ke a min no̱o̱k ishorong'i. Sang mi nye kaye̱e̱r kushim riye̱ mi baꞌ, mi nye ike̱ng iya Adakunom tin sak ye i ra nye tsek.

aMatiyu 9:38

Kamok anong nye yin aduwa nong atek riko̱'me tin barang áfe a tana ku nye itomong ishamang'e.”

2 aKoranti 8:12

Kamok ke yin be yin riye̱ kuno̱o̱k'e Adakunom ta fok kusas kuno̱o̱k'e, a ta shan kuno̱o̱k'e tite̱re̱ be agap aner'e. Adakunom shim yin tu no̱o̱k yin ike̱ng ife yin ta won dar i be yin baꞌ.

aRom 12:18

Nye yin ike̱ng iya yin tana kyem i nye, ke ta kyem yin, to̱, ne i sor yin caang be koangan.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aMarkus 14:8

A nye ike̱ng ife wu tana kyem a nye. A ti korok name nuro̱m nakuruk nong tin tor izen kune̱r mi.

aRom 10:15

Á ta nye ane̱ á ta nye awazi sang ke a tú ku tom ba baꞌ e̱? Kyo̱ndi i ta se ni izibir kaye̱e̱r rife̱ Adakunom ye, “Wan fa di atak aner aya a ta taas Rife̱ Ritek ta saas baꞌ.”