aRom 1:14 - Izere New Testament

¹⁴ Itomong kuse rice mi natoon áya a tan karak anyisi be áya a ta rusek nawhi ne áya a ta ren ike̱ng be áya a ta ren ike̱ng ikak baꞌ.

aRom 1:14 Referans Kwoze

aKolosi 3:11

Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

aRom 12:16

Sor yin caang be afudang yin. Sang tu kok yin rice naza baꞌ, amma gung yin rice be áya a tu ku di ba kyo̱ndi ike̱ng ikak baꞌ. Sang tu sok yin rice yin ye yin ren yin koakye baꞌ.

2 aKoranti 11:19

Yin áya yin ta di yin ye yin be yin ritse̱ng dide̱ng, amma yin ra shan yin aner aya a ta be ritse̱ng baꞌ, ibo̱k ifa.

aRom 16:19

Koangan n fok itak yin ta kuus yin rife̱ aKiristi, kamok anong mi be riye̱ rikan be yin. Amma mi shim yin tuse yin be ritse̱ng natoon kunye ike̱ng iya i ta se gye̱r, tu ren yin kunye imaan'e baꞌ.

aRom 13:8

Sang tu yiir yin ike̱ng akak baꞌ, amma yiir naka shim yin inga kamok aner aya a ta shim afudang shining ike̱ng iya Itsi ta fe̱.

aRom 8:12

Kamok anong aroneng, yir be yir itomong, amma sang ta sor yir kuri kusor kuri kufe rinerawe baꞌ.

aRom 1:22

Ba sor ye ba be ritseng, amma á nye áfunam'e.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

2 aTimoti 2:10

Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.

2 aKoranti 10:12

Ta kyem yir baꞌ, sang yir maas yir rice yir be ba áya a ta sok rice ba kyo̱ndi ba nye ike̱ng ikak baꞌ. Ákak kaye̱e̱r ba maas rice ba be áfudang ba. Áner kuri ayong á ta maas rice ba be áfudang'e be ritse̱ng baꞌ.

1 aKoranti 14:16

Ke wan kerek Adakunom be kabik wan, to̱, aner aya a ta ka foos ta san'e ane̱ a ta fe̱ ye “Anong” sang wu ta fok irem'e baꞌ natoon riye̱ rikan wan ta sen nye'me e̱?

1 aKoranti 14:11

Ke mi kyem iren ike̱ng iya akak ta sen fe̱'me ni írem iduk baꞌ, i nye ye mi te aner atsen nufu, ne wu ma te atsen nunaan gip.

1 aKoranti 3:18

Sang tu naka wo̱ro̱k yin baꞌ. Ke akak di ye wu be ritseng kaye̱e̱r yin nizam iyu, a ra sok rice wu kyo̱ndi wu be ritseng baꞌ, nong ase̱ a ta kpa ritseng.

1 aKoranti 2:13

Yir ta taas yin ike̱re̱ na sang be irem ife a tin bo̱so̱p yir'e be kukyem rinerawe baꞌ, amma yir fe̱ yir ike̱ng ife Kabik tin bo̱so̱p yir'e, ne i fe̱ yir natoon ike̱re̱ iya i ta nye ife kabik ife katsak be áya a ta nye áfe kabik.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

Itomong Ámanzo 28:4

Áner kuwo̱p'e tá fa di iwhen'e tá re̱ nubo̱k aBulus, yong á fe̱ ye, “Katsak'e, aner na nye aner a ta fe̱s ánerawe. A wher ashi gye̱rtatan, gip be anong rine̱n rusek rice wu.”

Itomong Ámanzo 28:2

Áner kuwo̱p'e ti tonong yir ritek makiyi. Ayong á ti shan yir ibo̱k ifa cice̱r yir ne á ni kas yir kuro̱ng kamok iza sen kpa ne karo̱ shirim.

aLuka 10:21

Nizen iyong aYeso n shining be Kabik Kazhe̱l'e yong a fe̱ ye, “Mi be riye̱ rikan be wan, Ada agbang, Agwo̱m Ágwo̱m, wan afe i tá nye kaza be kaben, kamok wan ne̱r áya a tá be kukyem ne áya a tá ren ike̱ng natoon ike̱re̱ na nong i ta tonong áya a ta se kyo̱ndi inoon zhizhe̱k. I se gye̱r anong, Ada, kamok iyong ne i nye kushim riye̱ wan.

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.