aRom 1:13 - Izere New Testament

¹³ Ároneng, mi shim yin tu ren yin ye mi n shim kube̱ nufe yin gbugbang, amma ike̱re̱ ikak ti roon kube̱. Mi shim ta se̱ áfudang yin ákak ya tana rasak nabik kaye̱e̱r yin kyo̱ndi mi tá se̱ nufe áner aya sang a ta nye áner aYahuda baꞌ.

aRom 1:13 Referans Kwoze

Itomong Ámanzo 19:21

Nama ike̱re̱ na tá gor, aBulus ti sak kaye̱e̱r riye̱ wu ye wu ta gor kaben aMakidoniya ne Akaya nong a ta tseng na aUshalima. A tá bu a fe̱ ye, “Nama mi ta tseng azong, ma mi tseng na aRom gip.”

aFilipi 4:17

Sang i se ye mi fe̱ anong nong yin ta yiir ni nyesek yin ike̱re̱ baꞌ, amma mi shim ishorong Adakunom ta se natoon yin kamok mi.

2 aTimoti 4:17

Amma Agwo̱m Ágwo̱m se mak be mi, ayong a ti no̱o̱k agap nong ase̱ kamok mi rife̱ wu tà tseng cei nong áner aya a ta nye áner aYahuda baꞌ, cice̱r tà fok. A ti shesh nanu azaki fan a bin te̱n amok riku.

1 aTasalonika 4:13

Amma kikyo̱o̱r name ároneng, yir shim yin tu sor yin dar kuren natoon áya a tá mereng ida kaye̱e̱r aYeso baꞌ, nong yin ta nye yin riye̱ riwe kyo̱ndi ribir ánerawe áya sang á ta be ike̱ng iya ba ta min te riye̱ baꞌ.

1 aTasalonika 2:18

Kamok anong, yir n shim yir kube̱ nufe yin dide̱ng, atuk mi aBulus baꞌ, mi n shim kube̱ dide̱ng, amma Ishetan ti roon'e.

2 aKoranti 1:8

Ároneng, yir shim yin tu sor yin dar kuren yin kuri risam yir ta sen so̱ yir'e niben Asiya baꞌ. Risam yir ta so̱ yir nar agap ma yir di yir ye yir ta kus yir.

1 aKoranti 12:1

To̱, kyo̱o̱rna, ároneng, natoon kunang Kabik Kazhe̱l'e, mi shim yin tú sor kaye̱e̱r kudun kuren baꞌ.

1 aKoranti 10:1

Ároneng, mi shim yin tu ren yin ye nizen iya átukop yir tá se be kutseng kaye̱e̱r katse, á tá tar agbang isho̱ng, kune̱n tú fek ba.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aYohana 4:36

Kyo̱o̱rna aner kutusung'e se̱ ishorong wu, a tusung kamok kutser kufe izen izen, nong ase̱ aner afe a ta tuus ne afe a ta tusung ta nye riye̱ rikan mak.

2 aTasalonika 2:7

Kamok amaan aner'ong n kpaan kunye itomong wu kyo̱o̱n kyo̱o̱n amma aner aya a tu ku te̱ne̱ng iren'e ta ya kasho̱o̱n be ku kute̱ne̱ng ma izen iya a tana ku tun azong.

2 aKoranti 2:14

Amma mi be riye̱ rikan be Adakunom, wu aya a tin ko̱k yir kasho̱o̱n ye̱r ye̱r nong yir ta canang yir kazatse kamok aKiristi. A tin nye itomong be yir nong tà tseng yir be itak aKiristi koakye kyo̱ndi name na ta be iko̱o̱n itek ta nyus dide̱ng.

1 aKoranti 9:2

Ko mi fa nye amanzo nufe ákak baꞌ, katsak'e mi nye amanzo nufe yin. Kamok yin sor yin ike̱ng iya i tana tonong ye mi nye amanzo nasho̱o̱n Agwo̱m Ágwo̱m.

Itomong Ámanzo 21:19

Nama aBulus tú nye ba ashou a tú taas ba koakye ike̱ng iya Adakunom ta nye kaye̱e̱r áner aya a ta nye áner aYahuda baꞌ ni itomong wu tá nye.

Itomong Ámanzo 15:12

Iyong ánerawe whe̱re̱ á tan nyim te gbik á tá foos aBarnabas be aBulus tá taas ike̱re̱ ife kukyem ne ife azhing iya Adakunom tan nye nubo̱k ba kaye̱e̱r áner sang a tá nye áner aYahuda baꞌ.

Itomong Ámanzo 14:27

Á tá fa se no̱ na Antakiya'me ne á tusung áfikuus á ta ka taas ba ike̱re̱ iya Adakunom tan nye nubo̱k ba. Á tá taas ba kuri iren iya Adakunom tá karak nong ase̱ áner aya a tá nye áner aYahuda baꞌ tin no̱o̱k katsak.

aYohana 12:24

Katsak'e ne mi ta ka tak yin, sang ke a te ica naya kaben nong i ta bus baꞌ, i ta sor ica'me izining tsek. Amma ke i bus, to̱, ne i no̱o̱k íca whe̱re̱.

Itomong Ámanzo 1:15

Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng

Itomong Ámanzo 28:14

Azong yir se se̱ yir aroneng áfikuus ákak, á tin nye yir izong ye i ra te yir Asate azining azong be ba. Be anong ne yir tseng yir na aRom.

aRom 1:12

Ike̱ng mi tin fe̱ natoon'e se ye nong mi be yin ta naka tsesek yir kaye̱e̱r kuno̱o̱k katsak yir.

aRom 7:1

To̱, ároneng, kum yin ta ren yin Itsi yin ta ren yin ike̱ng iya mi tin fe̱ natoon'e. Itsi ti nye rigwo̱m natoon aner ke aner'e rusek be kutser tsek.

1 aKoranti 1:10

Ároneng, mi ta nye yin akusuk kaye̱e̱r riyerek Agwo̱m Ágwo̱m yir aYeso Kiristi ye, kanu yin tuse kazining. Sang tu naka kasap yin baꞌ, gung yin rice nong kuto̱ro̱ng tu sor kuzining.

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

1 aKoranti 14:26

Ároneng, ike̱ng mi tin fe̱ natoon'e se ye, nizen iya yin nyim yin, ke akak se be abom kukerek Adakunom, ne akak sen bo̱so̱p ánerawe'me, ne akak fe̱ ike̱ng iya Adakunom tu ku tonong, ne akak sen fe̱ ni írem iduk, ne akak kirik ike̱ng iya a ta fe̱. A ra nye koakye nong a tin no̱k áfikuus kaye̱e̱r kabik.

aGalati 3:15

Aroneng, mi fe̱ kuri rife̱ rinerawe kyo̱ndi akak ta kyem a te̱e̱k ka ti barang nike̱ng ánerawe ta tsang a sak ye a ta nye baꞌ. Anong ne i se nitak na.

aGalati 6:18

Ároneng, ritek Agwo̱m Ágwo̱m yir aYeso Kiristi se mak be yin cice̱r. Anong!

aFilipi 1:22

Ke mi tà sor nuro̱m, ne mi ya kasho̱o̱n be itomong i ta se gye̱r. To̱, mi ta nye ane̱ e̱? Mi ren iya mi tana nye baꞌ.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.