aRom 1:12 - Izere New Testament

¹² Ike̱ng mi tin fe̱ natoon'e se ye nong mi be yin ta naka tsesek yir kaye̱e̱r kuno̱o̱k katsak yir.

aRom 1:12 Referans Kwoze

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aTitus 1:4

Wan, aTitus, igon'i kafe katsak kaye̱e̱r kuno̱o̱k katsak yir ta be yir cice̱r yir. Ritek be kameneng riye̱ Adakunom a ta nye Ada yir be aYeso Kiristi Aner Kashesh yir se mak be wan.

2 aKoranti 7:13

Be ike̱re̱'ong cice̱r ne yir ti se̱ yir agap. Sang awan ku se̱ agap kaye̱e̱r aye̱ yir tsek baꞌ, amma yir nye yir riye̱ rikan dide̱ng i ta di yir aTitus be riye̱ rikan kamok yin cice̱r tú ku tobok yin nong a ta se̱ agap.

aRom 15:32

nong ase̱ ke Adakunom shim, mi ta be̱ nufe yin be riye̱ rikan ne i be̱ song mak be yin.

Itomong Ámanzo 11:23

Nizen iya a tá se no̱, a di ritek Adakunom ta se mak be ba ne riye̱ wu kare̱p. Ayong a fe̱ be ba ye á ra yiir iren Agwo̱m Ágwo̱m be katsak be riye̱ rizining.

aZhud 1:3

Ároneng, yin áya mi ta shim, mi tsang i shim ku ka zibir yin kufumung na natoon kashesh yir ta be yir na cice̱r gye̱rtatan, amma mi di i se gye̱r ta ka zibir yin'e nong ta ka nye yin akusuk ye i ra naka tsesek yin natoon kuno̱o̱k katsak yir kuya Adakunom tá won ázhe̱l'e amana'me nubo̱k.

2 aYohana 1:4

Mi nye riye̱ rikan dide̱ng i ta se̱ inoon wan nakak á ta se nikuus be agap, kyo̱ndi Ada yir Adakunom tin tak yir.

2 aTimoti 1:4

Izen iya ne mi yiring be nanyisi wan ne a ni te ke mi ka di nong ase̱ riye̱ mi ta men.

Afisa 4:5

Agwo̱m Ágwo̱m se azining, kuno̱o̱k katsak se kuzining, abatisma se azining.

aRom 15:24

Mi se be kanye̱k kutseng na Abaniya, ke mi tseng, mi ta gor na aRom. Nama mi ra kusor be yin cie̱k, ne yin min tobok yin nong ta weer.

aRom 1:11

A kun mi te ke mi n be̱ nufe yin nong ta be̱ sak yin ta se̱ yin kunang Adakunom kufe kabik nong ase̱ tin barang yin agap.

aRom 1:13

Ároneng, mi shim yin tu ren yin ye mi n shim kube̱ nufe yin gbugbang, amma ike̱re̱ ikak ti roon kube̱. Mi shim ta se̱ áfudang yin ákak ya tana rasak nabik kaye̱e̱r yin kyo̱ndi mi tá se̱ nufe áner aya sang a ta nye áner aYahuda baꞌ.