aRom 1:1 - Izere New Testament

¹ Mi, aBulus i ta nye asam aYeso Kiristi, aya a tin yis nong tá te amanzo wu ne a ti kasa nong ta taas Rife̱ Ritek Adakunom.

aRom 1:1 Referans Kwoze

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

1 aKoranti 1:1

Mi, aBulus, aya a tin yis nong tà te amanzo aYeso Kiristi, kaye̱e̱r kushim Adakunom, i ta se yir mak be aronyining yir aSatanis ne i ta zibir yin kufumung na.

aKolosi 1:1

Mi aBulus, aya Adakunom tá kasa nong a tá te amanzo aYeso Kiristi, mak be aronyining yir aTimoti ne i ta zibir yin kufumung na,

aTitus 1:1

Mi, aBulus, asam Adakunom ne i bun i nye amanzo aYeso Kiristi. A tin sak mi ta te amanzo nong ta tsesek kuno̱o̱k katsak áya Adakunom tá kasa, ne i kutobok ba nong á ta ren katsak kaye̱e̱r ikuus Adakunom,

aRom 1:9

Adakunom aya mi tu ku nye itomong be riye̱ rizining kaye̱e̱r kutaas Rife̱ Ritek Igon wu aYeso, ren kuri aduwa mi ta yiir nye ne i yiring be yin.

2 aKoranti 1:1

Mi aBulus, aya Adakunom tin kasa nong ta te amanzo aYeso aKiristi, i ta se yir mak be aronyining yir aTimoti, ne i sen ka zibir yin kufumung na, yin áfikuus Adakunom áya a ta se na aKoranti ne ázhe̱l'e áya ta se niben Akaya cice̱r.

1 aKoranti 9:1

Yin ren yin ye mi se washak aꞌa? Mi nye amanzo aꞌa? Ka yin di yin ye mi di Agwo̱m Ágwo̱m yir aYeso be anyisi mi aꞌa? Yin nye yin inoon'i kaye̱e̱r Agwo̱m Ágwo̱m yir aYeso aꞌa?

2 aTimoti 1:11

Kamok Rife̱ Ritek'e ne Adakunom ti kasa mi nong tá te aner kunye awazi ne i te amanzo ne i te aner kubo̱so̱p ánerawe'me.

1 aTimoti 1:1

Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

aGalati 1:1

Mi, aBulus, amanzo – aya sang akak ka ánerawe ne a tin yis baꞌ, amma aYeso Kiristi ne Adakunom a ta nye Ada, aya a ta dorok aYeso nure̱k

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

1 aTasalonika 2:2

Amma kyo̱ndi yin tá ren yin ye yir so̱ yir risam ne á ni kas yir na aFilipi gip be anong Adakunom yir ti tsesek yir nong tá ka tak yin Rife̱ Ritek wu, cei be kuri amaan rishishim á tá shishim yir.

aRom 1:5

Kamok wu ne riyerek wu ne yir ti se̱ yir ritek ne ku yis nong tá te ámanzo nong ta yis yir áya sang á ta nye aner aYahuda baꞌ cice̱r, nong á tin no̱o̱k katsak ne a kuus rife̱'me.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aYakub 1:1

aYakubu asam Adakunom ne afe Agwo̱m agwo̱m yir aYeso Kiristi, mi nye ánerawe irem kuso̱k be afa aya a ta te shaam kaye̱e̱r kazatse ashou.

Ibrani 5:4

Akak tà kyem a tin te rice wu baꞌ, ma ke Adakunom ne a tú yis kyo̱ndi a tá yis aHaruna.

aFilipi 2:11

Ne koakye irem tà fe̱ ye, aYeso Kiristi nye Agwo̱m Ágwo̱m, nong a tà tiyiik Adakunom a ta nye Ada.

Afisa 4:11

Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

2 aKoranti 12:11

Mi te be rice mi kyo̱ndi afunam, amma yin ne i ti sak yin i ta te anong. Fa gye̱ ke yin ne i ti kerek yin mi ti nye ike̱ng ikak baꞌ gye̱rtatan, “ágbang ámanzo” yin'ong ti nar baꞌ.

2 aKoranti 11:5

Amma mi di kyo̱ndi mi ne i ti raar kaye̱e̱r ámanzo a ta ka sok ba ye ba ne á nye ayiik baꞌ.

2 aKoranti 4:5

Kamok yir nye yir awazi rife̱ rice yir baꞌ, amma rife̱ aYeso Kiristi a ta nye Agwo̱m Ágwo̱m, aya yir ta nye yir ásam yin kamok wu.

aRom 1:16

Mi fok isum kutaas Rife̱ Ritek aYeso baꞌ, kamok ri nye kukyem Adakunom nong a tin shesh koangan afe a tin no̱o̱k katsak, ni ime̱se̱ng'e nye rife áner aYahuda ne áner aya a ta nye áner aYahuda baꞌ, ni kuus.

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

Itomong Ámanzo 22:7

Mi kpa kaben, ne i fok kuto̱ kukak ku ta fe̱ be mi ye, ‘Ashawulu, Ashawulu, akye̱ sak wan ti tabak e̱?’

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

Ike̱ng a ta tonong aYohana 22:9

Amma amaleka'me fe̱ be mi ye, “Sang tu nye anong baꞌ. Mi nye asam afudang wan, kyo̱ndi ribir áronyining wan áner kuzarap Adakunom cei be ribir ánerawe áya a tin sak riye̱ nufumung a ta zibir na. Ya yin Adakunom iben!”

aKolosi 1:25

Adakunom ne a ti kasa nong ta te asam ikilisiya nong ta nye awazi rife̱ Adakunom mumak,

Afisa 1:1

Mi aBulus, aya i ta te amanzo aYeso Kiristi nushim Adakunom, mi ne i sen ka zibir yin kufumung na yin ázhe̱l'e áya a ta se kaye̱e̱r kuwo̱p Afisa, áya a ta kuus aYeso Kiristi be katsak.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aRom 16:18

Kamok sang áner kuri ayong nye Agwo̱m Ágwo̱m yir aKiristi itomong baꞌ. Á nye nafa ba'me tsek. Á ren kanu ne á fe̱ re̱m re̱m ne á ti wo̱ro̱k ánerawe aya sang a ta ren ike̱ng ikak natoon'e baꞌ.

aRom 15:29

Mi ren nizen iya mi tana be̱ nufe yin, mi tà be̱ be agbang ritek Kiristi.

aRom 11:13

To̱, yin áya sang i ta nye yin áner aYahuda baꞌ, mi fe̱ be yin. Kum mi ta nye amanzo nufe yin, mi tin ya kuka ni itomong'i.

Itomong Ámanzo 27:23

Natuk nashirim amaleka Adakunom akak, aya mi ta sor afu ne i ku nye itomong, be̱ a nyeseng nukim'i.

Itomong Ámanzo 26:1

Iyong Agaribus fe̱ be aBulus ye, “A ma ka no̱o̱k iren ta fe̱ rife̱.” Iyong aBulus sok kubo̱k naza a tá fe̱ ye,

Itomong Ámanzo 13:9

Amma Ashawulu (aya a ta bun a tú ku yis ye aBulus) a tá mu ku shining be Kabik Kazhe̱l'e, a ti sak anyisi ni wu a tá fe̱ ye,

aYohana 15:15

Mi tà ba ka yis yin ye ásam baꞌ, kamok asam ren kuto̱ro̱ng atekasa wu baꞌ. Mi ta ka yis yin ye áferime̱ mi makong, kamok koakye ike̱ng iya mi tá bo̱so̱p nufe Ada mi, mi ma ka taas yin.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

Ike̱ng a ta tonong aYohana 22:6

Ayong amaleka'me fe̱ be mi ye, “Rife̱ na nye katsak, i nye ike̱ng iya a tana kuus. Adakunom, Agwo̱m Ágwo̱m aya a ta no̱o̱k afe kuzarap kabik wu, tom amaleka wu nong a ta tonong ásam wu ike̱re̱ iya i tana nye sang be kubeseng izen baꞌ.”

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

Itomong Ámanzo 26:14

Yir cice̱r yir kpas yir kaben, ne mi fok kuto̱ kukak tá fe̱ be mi nirem áner aYahuda ye, ‘Ashawulu, Ashawulu, akye̱ sak wan ti tabak e̱? Wan no̱o̱k rice wan risam wan ta gaar inaan.’

Itomong Ámanzo 21:40

Aritek ásozha'me tá fa ku no̱o̱k iren ne aBulus dorok a ta nyeseng naro̱ a tu ku ngarak ne a sok kubo̱k naza ye ánerawe ra te gbik. Ánerawe'me ta fa te gbik yong a fe̱ be ba nirem aner aRaniya.

aYohana 15:20

Yiring yin be rife̱ mi tá fe̱ be yin ye: ‘Asam akak nar atekasa wu baꞌ.’ Ke á ti tabak, to̱, á tà ka tabak yin gip. Ke ba kuus rife̱ mi a tà kuus rife̱ yin gip.

aMarkus 1:14

Nama a tá te aYohana ni itso̱m, aYeso no̱ kaye̱e̱r aGalili, ne a taas Rife̱ Ritek Adakunom,

2 aKoranti 2:12

Nizen mi ta fa tseng na aToruwas nong ta se nye awazi Rife̱ Ritek aKiristi, mi se se̱ Agwo̱m Ágwo̱m tsang a min n karak iren.

2 aKoranti 11:7

Yin di yin ye mi nye rine̱n, mi ta te fe̱re̱ be rice mi nong ta ka sok yin yiik, mi ta ka taas yin Rife̱ Ritek Adakunom na awarak a?

1 aTasalonika 2:8

Kamok yir ta ka shim yin dide̱ng iyong ne i sak sang yir ta ka nye yin awazi Rife̱ Ritek tsek baꞌ, amma yir no̱o̱k yir kutser yir cei gip.

1 aTasalonika 2:9

Ároneng, mi ren tse̱ng tse̱ng ye yin ru yiring yin be kuri itomong ne risam yir tá so̱ yir. I nye yir itomong katuk be kunom kamok fan i ba ka no̱o̱k yin risam nizen yir tá sen ka nye yin awazi Rife̱ Ritek.

1 aBitrus 4:17

Izen n nye a tana san kuto̱ ánerawe amok, a ta san'e be áfikuus Adakunom. To̱, ke a san'e be yir, i ta se ane̱ be áya a ta raba kukuus Rife̱ Ritek Adakunom e̱?