6 Amma mi shim yin ta ren yin ye, Igon Anerawe be kukyem a tanin re̱ng rine̱n kaye̱e̱r kazatse,” iyong a fe̱ be aner aya a tá we̱ abas azining ame ye, “Dorok tá sok ike̱re̱ kameneng wan ta be kari.”
Koangan afe yin tu ku re̱ng yin rine̱n wu, mi gip mi tu ku re̱ng'e. Rine̱n afe mi ta re̱ng, ke i nye ye rine̱n'e kuse mi tana re̱ng, mi re̱ng kamok yin ne nasho̱o̱n aKiristi.
Naka tsesek yin be áfudang yin, ke akak kaye̱e̱r yin nye afudang wu rine̱n ne a ku re̱ng'e. Naka re̱ng yin rine̱n yin kyo̱ndi Agwo̱m Ágwo̱m ta ka nye yin'e.
Kamok anong, yir nye yir áner á ta se rice aKiristi. Yir ta nye yin izong kaye̱e̱r riyerek aKiristi kyo̱ndi Adakunom be rice wu ne a sen fe̱ be yin ye, i ra te yin áferime̱ Adakunom.
Adakunom tu no̱o̱k kuyiik a tu ku sak nubo̱k riya wu nong a ta sor áko̱k kasho̱o̱n ne a sor aner kashesh nong a ta sak áner Isarela ta shishing kuse ba ne a ka re̱ng ba rine̱n ba.
Áner aFarisi be áfe kubo̱so̱p Itsi ame, kpaan kuto̱ naye̱ ba ye, “Angan ne a zhe̱e̱sh Adakunom na e̱? Angan ta kyem a re̱ng anerawe rine̱n wu, sang ke Adakunom baꞌ e̱?”
Anong, itak wu tseng cei ma ni iben aSuriya ne á ku be̱s be áfe iro̱k ze̱r ze̱r cice̱r ne áfe á ta se risam dide̱ng, ne áfe amaan nabik be áfe kuro̱k kucicirim ne áfe a tá we̱ abas azining. A tú sak ba á tá te atser.
Áner akak tu ku be̱e̱n aner akak kuro̱m tá we̱ abas azining ni ike̱ng kameneng. Nizen iya aYeso tá di kuno̱o̱k katsak ba, yong a fe̱ be aner kuro̱k'e ye, “Igon'i, tu daam baꞌ, a ma ka re̱ng rine̱n wan.”