aMatiyu 9:38 - Izere New Testament

³⁸ Kamok anong nye yin aduwa nong atek riko̱'me tin barang áfe a tana ku nye itomong ishamang'e.”

aMatiyu 9:38 Referans Kwoze

2 aTasalonika 3:1

Ni igang'e ároneng, nye yin aduwa kamok yir nong ase̱ rife̱ Agwo̱m Ágwo̱m yir tà ya kasho̱o̱n zizirik kaye̱e̱r ánerawe nong ri ta se̱ kuyiik, kyo̱ndi ri ta se̱ kaye̱e̱r yin.

Itomong Ámanzo 13:2

Nizen ba tá sen ya Adakunom iben ne á nye azumi yong Kabik Kazhe̱l'e fe̱ be ba ye, “Ni sak yin aBarnabas be Ashawulu nukim nong ase̱ á tin nye itomong iya mi tan sak ye ba tin nye'me.”

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

Itomong Ámanzo 8:4

To̱, áfikuus aya a tá te shaam tsang á nye awazi rife̱ Adakunom koake̱ ne ba tseng.

Afisa 4:11

Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

1 aKoranti 12:28

Kaye̱e̱r áfikuus, Adakunom kasa ámanzo a ta te áfe ime̱se̱ng'e, afe afa nye áner kuzarap, afe ataar nye áfe kubo̱so̱p ánerawe'me. Ákak nye áfe kunye itomong azhing, ne áfe kusak áfe iro̱k ta te atser, ne áfe a tana tobok ánerawe. Ne ákak áfe kube ánerawe, nigang'e áfe a tana fe̱ ni írem iduk.

aMatiyu 9:37

Ayong a fe̱ be álimazhiri wu ye, “Ishamang kuse dide̱ng, amma áfe itomong'e se hiir.

aYohana 4:35

Yin fe̱ yin ye, ‘Ishamang a tu won ife̱n inaas aꞌa?’ Mi ta tak yin ye, ye̱re̱k yin ta di yin ako̱! Naya nbeen, na n te nafe kutusung.