aMatiyu 9:36 - Izere New Testament

³⁶ Nizen aYeso tá di ánerawe whe̱re̱, a ro̱ riye̱ ba, kamok á se nudaam, á be akak a tana ka tobok ba baꞌ. Á se kyo̱ndi itsamang dar afek.

aMatiyu 9:36 Referans Kwoze

aMarkus 6:34

Nizen aYeso tá wuruk kaye̱e̱r kukpara ashi'me, a di ánerawe whe̱re̱, yong a fok kuro̱ riye̱ ba, kamok a se kyo̱ndi itsamang dar afek. Ayong a san ku kabo̱so̱p ba ike̱re̱ whe̱re̱.

aMatiyu 14:14

Nizen aYeso tá wuruk kaye̱e̱r kukpara ashi'me, a di rigwo̱m ánerawe ame, ne a fok kuro̱ riye̱ ba iyong a sak áya a ta nye atser kaye̱e̱r ba baꞌ, tá te atser.

aMatiyu 15:32

aYeso yis álimazhiri wu a tá fe̱ be ba ye, “Mi fok kuro̱ riye̱ ánerawe na kamok ba n te inom itaar be mi, á be ike̱ng kuya baꞌ. Mi shim tu ku te ba niren anong be izong baꞌ. Ke anong baꞌ á ta te gbe̱re̱k niren.”

aMatiyu 15:24

A fe̱ be ba ye, “A ti tom nufe itsamang Isarela iya i ta wei tsek.”

Ibrani 5:2

A kyem a nye tatan be áya a ta taam ne áya a ta dun kuren ike̱ng, kamok wu be rice wu ta be kuraar kuri kufe̱ rinerawe gip.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aMatiyu 10:6

Tseng yin nufe itsamang Isarela iya i ta wei.

aMarkus 8:2

“Mi fok kuro̱ riye̱ ánerawe na, án sor be mi inom itaar, amma á be ike̱ng ikak nong á ta ya baꞌ.