aMatiyu 9:35 - Izere New Testament

³⁵ Nama anong aYeso tsang tseng na agbang iwo̱p ne izhizhe̱k'e cice̱r, ne a nye awazi kaye̱e̱r atu aduwa ba. Ne a ku taas ba Rife̱ Ritek natoon rigwo̱m Adakunom ne a sak áfe iro̱k ze̱r ze̱r te atser.

aMatiyu 9:35 Referans Kwoze

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

aMarkus 6:56

Koake̱ ne aYeso no̱, ni iwo̱p izhizhe̱k'e be igbang'e ne ife ikim'me, a se̱s áfe iro̱k ánerawe tan meres na naro̱ rizhik. Á tú nye izong ye, a ru ku won ba nong a ta ras kanu kukpiin wu, ne áya a ta ras cice̱r te atser.

aMatiyu 11:5

ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.

aLuka 13:22

Ayong aYeso tsang a gosok ni iwo̱p igbang'e be izhizhe̱k'e, ne a bo̱so̱p ánerawe'me, ne a be na aUshalima.

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

aMarkus 6:6

A te zhing kamok kuwon dar kuno̱o̱k katsak ba. Ayong aYeso tsang a gorok ne a bo̱so̱p ánerawe'me kaye̱e̱r iwo̱p ikak izhizhe̱k'e.

aMatiyu 11:1

Nama aYeso tá gang kutaas alimazhiri wu kuso̱k be afa'me ike̱re̱ ba tana nye, iyong a dorok a tá be niben aGalili nong a ta tsang a bo̱so̱p ánerawe'me ne a ku nye ba awazi kaye̱e̱r iwo̱p ba'me.

aMatiyu 10:1

Ayong aYeso yis alimazhiri wu kuso̱k be afa ne a ku no̱o̱k ba kukyem ku niturung amaan nabik ne kukyem kusak afe iro̱k ze̱r ze̱r ta te atser.

aMarkus 1:14

Nama a tá te aYohana ni itso̱m, aYeso no̱ kaye̱e̱r aGalili, ne a taas Rife̱ Ritek Adakunom,