aMatiyu 9:29 - Izere New Testament

²⁹ Ayong aYeso ra anyisi ba ne a fe̱ ye, “Won i tu se anong, kyo̱ndi yin ti no̱o̱k yin katsak.”

aMatiyu 9:29 Referans Kwoze

aMatiyu 15:28

Ayong aYeso fe̱ be wu ye, “Anyiningkasa, kuno̱o̱k katsak wan se gaan. Ike̱ng wan ta shim a tà ka nye'me.” Nizen iyong angas wu ame wor a te atser.

aMarkus 10:52

aYeso fe̱ be wu ye, “Tseng, kuno̱o̱k katsak wan sak wan te atser.” A wor a kpaan i di karo̱ ne a kuus aYeso. A tsang a tseng mak be aYeso.

aMatiyu 9:22

aYeso tá fa kirik a tú ku di, yong a fe̱ be wu ye, “Sang wan tu daam baꞌ, angas, kuno̱o̱k katsak wan n sak wan n te atser.” Ne abining'e wor a te atser nizen iyong.

aMatiyu 8:13

Ayong aYeso fe̱ be ako̱k kasho̱o̱n aSozha aRom ame ye, “Tseng kari! A tà ka nye'me kyo̱ndi wan ti no̱o̱k katsak.” Asam wu ame wor a te atser nizen iyong.

aMatiyu 20:34

aYeso fok kuro̱ riye̱ ba, yong a ra anyisi ba. Nizen izining, anyisi ba wor á karak á di karo̱ ne á kuus aYeso'me.

aMatiyu 9:28

Nizen aYeso tá no̱ kaye̱e̱r kasa kakak, ákpato̱o̱n afa ame be̱ nufu, yong a tú ku rip ba ye, “Yin ti no̱o̱k yin katsak ye, mi ta kyem i ka sak yin ta te yin atser a?” Ayong ba fe̱ ye, “Ei, Atekasa!”