aMatiyu 9:15 - Izere New Testament

¹⁵ aYeso fe̱ be ba ye, “Áferime̱ aner aya a ta sok abining afas ta nye riye̱ riwe kum ne ba rusek be aner aya a tá nye kuwe̱ne̱ng'e a? Izen saase ife á tana sok aner a tana ku rosom kuwe̱ne̱ng'e nasho̱o̱n ba, nizen iyong ne ba ta nye azumi.

aMatiyu 9:15 Referans Kwoze

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

Itomong Ámanzo 14:23

aBulus be aBarnabas tú kasa ba áko̱k kasho̱o̱n ikilisiya be kunye aduwa ne azumi ne á ku won ba nubo̱k Agwo̱m Ágwo̱m aya ba tin no̱o̱k katsak.

1 aKoranti 7:5

Sang tu naka roon yin'e baꞌ, ma ke i ti sak yin ta nye yin anong kaye̱e̱r izen cie̱k nong ase̱ tin te yin rice ni inye aduwa. Nama anong ne yin bun i nyim yin fan Ishetan ba ka te yin afartak kamok kudun kuyiir rice yin.

aYohana 16:6

Yin nye yin riye̱ riwe ye kamok mi tá fe̱ ike̱re̱ na.

2 aKoranti 11:27

Mi n nye itomong dide̱ng, mi n so̱ risam dide̱ng, mi n so̱ kuko̱s dar ida, mi n so̱ kusor be izong be kuto̱ kukoor nizen ikak dar naya, kuwun ti shirim ne i sor ica'me.

aMatiyu 9:14

Ayong álimazhiri aYohana be̱ nong á ta rip aYeso ye, “Akye̱ sak yir be áner aFarisi man ne i nye yir azumi, amma álimazhiri wan nye baꞌ e̱?”

aMatiyu 9:16

“Ko akak ta basak kures be itan'e ifas iya i ta furuk baꞌ, kamok itan'e ta bun i wuruk kaye̱e̱r kures'e ne ribong'e nibarang.

aMarkus 2:19

Ayong aYeso fe̱ be ba ye, “Áfertseng aner a ta sok abining afas ta nye azumi kum ne ba rusek mak be aner a tá sok abining afas'e a? Kum ke i nye ye ba rusek mak be aner kuwe̱ne̱ng kufas'e, ba ta kyem a sor anong baꞌ.

aMarkus 2:20

Izen saase ife a tana kam aner a ta sok abining afas'e be ba. Nizen iyong ne ba tà nye azumi.

aLuka 5:34

Ne aYeso fe̱ be ba ye, “Yin ta kyem i sak yin áfertseng aner aya a ta sok abining afas ta nye azumi kum ne ba rusek mak be wu a? Wayo.

aLuka 5:35

Izen saase ife á tana kam aner a tá sok abining afas'e be ba. Nizen iyong ne ba ta nye azumi.”

aLuka 17:22

aYeso fe̱ be álimazhiri wu ye, “Izen saase a tana ka te yin ke i di yin kunom kuzining kaye̱e̱r inom Igon anerawe, ko yin ra di yin baꞌ.