aMatiyu 9:13 - Izere New Testament

¹³ Tseng yin se tse̱r yin ike̱ng iya rife̱ Adakunom na tin fe̱ natoon'e: ‘Mi nar kushim ku tonong kuro̱ riye̱ be tana nye asidaka.’ Kamok mi be̱ ta yis aya a ta di ye ba se gye̱r nasho̱o̱n Adakunom baꞌ, mi be̱ ta yis áfe rine̱n.”

aMatiyu 9:13 Referans Kwoze

aMarkus 2:17

aYeso tá fa fok anong, ayong a fe̱ be ba ye, “Aner aya a ta nye atser tse̱r abok baꞌ, amma afe iro̱k tse̱r. Mi be̱ ta yis aya a ta di ye ba se gye̱r nasho̱o̱n Adakunom baꞌ, amma áfe rine̱n.”

aLuka 19:10

Kamok Igon Anerawe be̱ nong a tà tse̱r ne a shesh ike̱ng i tan wei.”

aLuka 5:32

Sang mi be̱ nong ta yis azhe̱l'e baꞌ, amma áfe rine̱n nong a ta shishing kuse ba, ne á shishing kunye ba.”

aMatiyu 12:7

Ke a fa fe̱ ye, yin ren yin ike̱ng iya rife̱ na tin fe̱ ye, ‘Mi shim kuro̱ riye̱, sang asidaka baꞌ.’ Ke yin di yin rine̱n aner a ta se dar rine̱n baꞌ.

2 aBitrus 3:9

Ákak di kyo̱ndi Adakunom mak a sok izen nizham a tá ra nye ike̱ng iya wu tá tsang a fe̱ ye wu tá nye. I se anong baꞌ. A be kutsesek ne kamok yin, a shim akak tu wei baꞌ amma koangan ra shishing kuse wu.

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

Itomong Ámanzo 11:18

Ba tá fa fok anong ne á tigbik, á kyem á fe̱ ike̱ng ikak baꞌ. Á kerek Adakunom ne á fe̱ ye, “Aser, Adakunom n no̱o̱k áner aya sang a ta nye aner aYahuda baꞌ, iren gip nong a ta shishing kuse ba a ta se̱ kutser.”

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

Itomong Ámanzo 5:31

Adakunom tu no̱o̱k kuyiik a tu ku sak nubo̱k riya wu nong a ta sor áko̱k kasho̱o̱n ne a sor aner kashesh nong a ta sak áner Isarela ta shishing kuse ba ne a ka re̱ng ba rine̱n ba.

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aMatiyu 4:17

Kum be izen iyong aYeso san awazi, ye; “Shishing yin kuse yin kamok rigwo̱m kaza m be̱ bubarak.”

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

aMatiyu 3:8

Nye yin itomong i tana tonong ye yin n shishing yin kuse yin.

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

aMatiyu 21:42

aYeso fe̱ be ba ye, “Aser, yin fa yin kaye̱e̱r rife̱ Adakunom aꞌa? “ ‘Kuta kuya áfe rino̱k tá raba kuyong ne ku te itsik ribor'e. Adakunom ne a nye anong. Iyu nye ike̱ng azhing nufe yir.’

aMatiyu 12:3

Ayong aYeso fe̱ be ba ye, “Aser, yin kun fa yin izibir natoon ike̱ng iya aDauda tá nye be ánerawe wu nizen iya a tá fok izong aꞌa?

aMarkus 12:26

Kyo̱o̱rna natoon kudorok ikom, yin kun fa yin kaye̱e̱r Kufumung aMusa a? Itak natoon kabuci. Adakunom tà fe̱ be wu ye, ‘Mi ne i nye Adakunom afe Ibrahim ne i nye Adakunom Ishaku, ne i nye Adakunom aYakub.’

aYohana 10:34

aYeso fe̱ be ba ye, “I se ni zibir na afumung Itsi yin ye Adakunom fe̱ ye, ‘Mi fe̱ ye yin se yin kyo̱ndi ike̱re̱ iya a tu ku ya ba iben.’

aMatiyu 19:4

aYeso fe̱ be ba ye, “Aser, yin kun fa yin ye, aner a ta nye kazatse, a nye ‘Aner amitek be aner abining ni ime̱se̱ng'e’ aꞌa?

aMatiyu 12:5

Ka yin kun fa yin kaye̱e̱r kufumung Itsi aMusa ye, ‘Katuk Asabar atsi nye ike̱ng iya i ta nye itek baꞌ, gip be anong ko i sor rine̱n baꞌ’ aꞌa?

aLuka 10:26

Ayong aYeso fe̱ be wu ye, “Akye̱ ne i se ni izibir kaye̱e̱r Itsi aMusa e̱? Itsi'me fe̱ ane̱ e̱?”

aMarkus 12:33

A ra ku shim be riye̱ rizining cei, be kuto̱ro̱ng cei ne agap cei ne shim afegbak wan kyo̱ndi wan ta shim rice wan, i se yiik ne i nar asidaka be kunyesek ike̱ng.”

aLuka 5:31

Ayong aYeso fe̱ be ba ye, “Aner aya a ta nye atser tse̱r abok baꞌ, amma afe iro̱k tse̱r.