aMatiyu 8:31 - Izere New Testament

³¹ Amaan nabik ame nye aYeso kusuk ye, “Ke wan tin tun yir, ne i ni sak yir kaye̱e̱r kukpara álade kya.”

aMatiyu 8:31 Referans Kwoze

aMarkus 5:12

Ámaan nabik ame nye aYeso akusuk ye, a ru ku tomong ba kaye̱e̱r álade'me nong á ta se no̱ kaye̱e̱r'e.

Ike̱ng a ta tonong aYohana 12:12

Kamok anong, nye yin riye̱ rikan naza ne áya a ta sor kaye̱e̱r'e. Amma awo̱ be kazatse ne agbang adung, kamok Amaan Aner n tiik kaye̱e̱r yin. Riye̱ wu kun fuus kamok a ren ye izen wu ba gop baꞌ.”

aMarkus 5:7

A tá kuto̱ ye, “aYeso, Igon Adakunom Agbang Agwo̱m Ágwo̱m, wan tse̱r akye̱ be mi e̱? Shu be riyerek Adakunom ye wan tin no̱o̱k risam baꞌ.”

aMatiyu 4:24

Anong, itak wu tseng cei ma ni iben aSuriya ne á ku be̱s be áfe iro̱k ze̱r ze̱r cice̱r ne áfe á ta se risam dide̱ng, ne áfe amaan nabik be áfe kuro̱k kucicirim ne áfe a tá we̱ abas azining. A tú sak ba á tá te atser.

aMatiyu 7:6

“Sang tu no̱o̱k yin agabu ike̱ng iya i ta se zhe̱l baꞌ, sang tu barak yin álade ata yin áfe itso̱m baꞌ. Ke yin nye yin anong, á tà shesh ne i kirik i ta bu i tà ka marang yin.

aMatiyu 8:30

Kukpara álade sen ya naya azong bubarak be ba.

aMatiyu 8:32

Ayong aYeso fe̱ be ba ye, “Tseng yin!” Ayong amaan nabik ame wuruk nong á ta be kaye̱e̱r alade ame. Kukpara alade'me cice̱r teng nong á ta se kpas kaye̱e̱r kudung nong á kus.