aMatiyu 8:22 - Izere New Testament

²² Amma aYeso fe̱ be wu ye, “Ni kuus, won ikom ta ne̱se̱k ikom.”

aMatiyu 8:22 Referans Kwoze

aLuka 15:32

I se gye̱r ta nye yir riye̱ rikan ne i fok yir kusas'e kamok aronyining wan na tsang a ku, a bun a be̱ be kutser, a tsang a titei, a mu ku se̱.’ ”

aKolosi 2:13

Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.

Afisa 5:14

Kamok akanang'e ne a sak a ta di koakye de̱s iyong ne i sak rife̱ Adakunom ta fe̱ ye, “Dorok, wan aya i ta se be ida, dorok kaye̱e̱r áfe a tan kus ne akanang aKiristi tin samang natoon wan.”

Afisa 2:5

iyong sak kun ne yir ru nye yir ikom'e kamok rine̱n yir, ne i sor yir be kutser mak be aKiristi. Kaye̱e̱r ritek wu ne yir ti se̱ yir kashesh.

Afisa 2:1

Gbugbang yin tsang i se yin kyo̱ndi ikom'e, kamok kuraar yin ne rine̱n yin tin sor yin kaye̱e̱r'e,

1 aTimoti 5:6

Abining aya amitek wu tá ku, a ra bun a shim a ta fok kusas kusor wu tse̱r, a se kyo̱ndi a nye atser a ra nye kukom'e kaye̱e̱r kabik.

aYohana 1:43

Kadiding tá fa karak ne aYeso nye kanye̱k ku be na aGalili. Ayong a se se̱ aFilibus ne a fe̱ be wu ye, “Ni kuus.”

aMatiyu 9:9

aYeso tá ya kasho̱o̱n be kutseng ne a di afe kushashang itso̱m iben akak a tú ku yis ye aMatiyu, a se nusonong naro̱ itomong wu. aYeso fe̱ be wu ye, “Ni kuus,” iyong a dorok nong a tú ku kuus.

aMatiyu 8:21

Azining kaye̱e̱r alimazhiri wu fe̱ be wu ye, “Atekasa, won mi ta tseng ta se ne̱r ada mi nizham.”

aMarkus 2:14

aYeso'me tá se be kutsang tseng yong a di aner akak a tú ku yis ye aLawi igon Alfiyus, nusonong naro̱ kushashang itso̱m iben. Ayong aYeso fe̱ be wu ye, “Ni kuus,” iyong aLawi'me dorok nong a tú ku kuus.

aLuka 9:59

Ne aYeso bun a fe̱ be aner akak ye, “Ni kuus.” Amma aner'e fe̱ ye, “Atekasa, ni won ta se ne̱r ada mi nizham.”

aLuka 9:60

Ayong aYeso fe̱ be wu ye, “Won ikom tu ne̱se̱k ikom ba, wan tseng ta se taas itak rigwo̱m Adakunom.”

aLuka 15:24

Kamok igon'i name tsang a ku, kyo̱o̱rna a nye atser, a tsang a titei, a mu ku se̱.’ Iyong á san riye̱ rikan'e.

aYohana 21:19

aYeso fe̱ anong, nong a ta tonong kuri riku aBitrus tana ku nong a tin tiyiik Adakunom. Nama rife̱ na, aYeso fe̱ be aBitrus ye, “Ni kuus!”

aYohana 21:22

Amma aYeso fe̱ be wu ye, “Ke mi tú ku shim be anong a ta sor be kutser ma izen iya mi tana bun i be̱, akye̱ wan azong e̱? Wan ni kuus tsek.”