aMatiyu 8:20 - Izere New Testament

²⁰ aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aMatiyu 8:20 Referans Kwoze

aLuka 2:7

yong a tes acam, igon ime̱se̱ng wu. A kunung be ítan ares nong a tá mees nukpara a tin korok itsamang naya, kamok ba se̱ kasa naro̱ átsen tú ku tisik baꞌ.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aLuka 2:16

Iyong á tseng zizirik ne á se se̱ aMarya be aYusufu be igon ame an mees kaye̱e̱r kukpara a tin tes itsamang naya ame.

aLuka 2:12

Ike̱ng iya yin tana san i di yin nye, igon a tan kunung be ítan ares nameneng kaye̱e̱r kukpara a tin tes itsamang naya.”

aLuka 8:3

be aZhowana abining aKuza afe a tá nye itomong nasa aHiridus be aSuzana ne ákak whe̱r. Ányining na tu se̱s mo ba be ku ka nyesek ba ike̱re̱ dide̱ng kaye̱e̱r ike̱re̱ ba tá be.

aMatiyu 12:32

Koangan ne a fe̱ amaan rife̱ natoon Igon Anerawe a tù ku re̱ng'e, amma aner aya ne a fe̱ imaan'e natoon Kabik Kazhe̱l'e, a tù ku re̱ng rine̱n riyong nigaan'e baꞌ, ko kyo̱o̱rna ko nasho̱o̱n.

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 17:9

Nizen iya á tá sen tisik natoon kawhanang ame, aYeso tu ku kpam ba ye, “Sang yin tú tak yin akak ike̱ng iya yin tá di yin na baꞌ, ma ke a dorok Igon Anerawe nure̱k nizham.”

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aMatiyu 16:13

Nizen aYeso tá no̱ niben aKaisariya aFilipi, yong a rip álimazhiri wu ye, “Ánerawe fe̱ ye, mi, Igon Anerawe, mi nye angan e̱?”

aMatiyu 12:40

Kyo̱ndi aZhona ta te inom itaar, katuk be kunom kaye̱e̱r kafa agbang izos, anong ne Igon Anerawe ta te inom itaar katuk be kunom kaye̱e̱r iben.

aMatiyu 12:8

Kamok Igon Anerawe ne ka nye Agwo̱m Ágwo̱m natoon Asabar.”

aMatiyu 13:37

aYeso fe̱ be ba ye, “Aya a ta nas izha itek'e nye Igon Anerawe.

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

aLuka 9:58

Ayong aYeso fe̱ be wu ye, “Áromong be ibong ba, ne nanon be are̱ ba tin sor, amma Igon Anerawe be karo̱ ku ni no̱ baꞌ.”

aLuka 12:8

“Won tà ka tak yin, aner aya ne a fe̱ nasho̱o̱n ánerawe ye wu ti ren, Igon Anerawe tà fe̱ ye wu tu ren gip nasho̱o̱n ámaleka Adakunom.

aLuka 18:8

Won ta ka tak yin, a tà di ma ba se̱ katsak ba ta shim zizirik. Ke Igon Anerawe be̱, a tà se̱ áfe kuno̱o̱k katsak nazatse a?”

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

aYohana 1:51

Iyong aYeso bun a fe̱ be wu ye, “Mi ta ka tak katsak'e, wan tà di kaza nukarak, ne ámaleka Adakunom ngarak naza ne á tisik natoon Igon Anerawe.”

aYohana 3:13

Akak kun tseng naza baꞌ, ma ke aya a ta ne naza, wu ne a nye Igon Ánerawe.

aYohana 3:14

Kyo̱ndi aMusa tá sok iwhen naza kaye̱e̱r katse anong ne a tá sok Igon Anerawe naza dim.

aYohana 6:27

Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

aYohana 6:53

Ayong aYeso fe̱ be ba ye, “Katsak'e ne mi ta ka tak yin, ma ke yin ya yin rinam kuro̱m Igon Anerawe ne i so̱ yin naso̱k wu ke anong baꞌ, yin be yin kutser kaye̱e̱r yin baꞌ.

aYohana 6:62

To̱, ke yin di yin Igon Anerawe sen kubun naro̱ wu tú ku ne ane̱ e̱?

aYohana 12:34

Ayong ánerawe ame fe̱ be wu ye, “Yir fok yir kaye̱e̱r Itsi ye, ‘aKiristi'me tà sor ma izen izen.’ Akye̱ sak wan tá fe̱ ye, ‘A tá sok Igon Anerawe naza e̱?’ Angan ne a nye ‘Igon Anerawe'me e̱?’ ”

aYohana 13:31

Nama aYahuza tá wuruk, aYeso fe̱ ye, “Kyo̱o̱rna Igon Anerawe ta se̱ kuyiik ne Adakunom se̱ kuyiik kaye̱e̱r wu.

Itomong Ámanzo 7:56

Ayong Itifanus'e fe̱ ye, “Di yin, mi di kaza nukarak ne mi di Igon Anerawe tan nyeseng nubo̱k riya Adakunom.”