aMatiyu 7:24 - Izere New Testament

²⁴ “Kamok anong, koangan afe a ta fok rife̱ mi na, a ti nye itomong, a ta se kyo̱ndi aner rino̱k aya a ta be ritseng, aya a tá no̱k kasa wu natoon agudong.

aMatiyu 7:24 Referans Kwoze

aYohana 13:17

Kyo̱o̱rna, yin tá ren yin ike̱re̱ na, yin tà sor yin áfe riye̱ rikan ke yin kuus yin.

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

1 aYohana 2:3

Ke yir nye yir ike̱re̱ Adakunom tá fe̱ ye i ra nye yir, iyong ne i ta tonong ye koangan yir ren Adakunom.

aYohana 14:15

“Ke yin ti shim yin, yin tà kuus yin Itsi iya mi tá fe̱ be yin.

aYohana 15:14

Yin nye yin áferime̱ mi ke yin kuus yin Itsi mi.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

aMatiyu 7:25

Nizen iya ne iza tá kpa, isho̱ng shishing ne kuwun be̱ be agap, gip be anong kasa'me kpa baꞌ, kamok a tá no̱k kasa'me natoon agudong.

aMatiyu 7:26

Koangan afe a fok rife̱ mi na, a ti nye itomong baꞌ, a se kyo̱ndi aner rino̱k aya a tá no̱k kasa wu natoon rize̱k.

aMatiyu 16:18

Kamok anong, mi fe̱ be wan ye, wan ne i nye aBitrus natoon kuta na ne mi tin no̱k ikilisiya mi, iya sang agap riku tana kyem a canang baꞌ.

aMatiyu 24:45

“Angan ne a nye asam a ta be katsak ne a be kukyem, aya atekasa wu tu ku sak ye, a rin sak riye̱ na ásam wu ne a ku nyesek ba naya nizen i ta se gye̱r e̱?

aMatiyu 25:2

Atoon kaye̱e̱r ba be kukyem baꞌ, ne atoon be.

aMatiyu 25:4

Áfe kukyem ame ti be name nakak.

aMatiyu 25:9

“Áfe kukyem ame fe̱ be ba ye, ‘Wayo, na tin kyem yir ma be yin baꞌ. Ban se shan yin nafe yin.’

aRom 2:13

Sang áya a foos Itsi ne a se gye̱r nasho̱o̱n Adakunom baꞌ, amma áya a ta kuus ike̱ng iya Itsi'me tá fe̱, ne a se gye̱r nasho̱o̱n Adakunom.