aMatiyu 7:21 - Izere New Testament

²¹ “Sang koangan afe a tin yis ye, ‘Agwo̱m Ágwo̱m’ ne a tà no̱ kaye̱e̱r kaza baꞌ, ma ke aya a tá nye ike̱ng iya Ada mi aya a ta se kaye̱e̱r kaza ta shim.

aMatiyu 7:21 Referans Kwoze

aRom 2:13

Sang áya a foos Itsi ne a se gye̱r nasho̱o̱n Adakunom baꞌ, amma áya a ta kuus ike̱ng iya Itsi'me tá fe̱, ne a se gye̱r nasho̱o̱n Adakunom.

aLuka 6:46

“Akye̱ sak yin ti yis yin ye, ‘Agwo̱m, Agwo̱m,’ ka i ra nye yin ike̱ng iya mi tá fe̱ baꞌ e̱?

aYakub 1:22

Tu foos yin rife̱'me tsek ne i wo̱k yin rice yin baꞌ, amma ninye yin itomong.

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

Ibrani 4:6

I rusek anong, ákak tà no̱ kaye̱e̱r kufan'e, amma áya a tá san kufok Rife̱ Ritek se̱ kuno̱ kaye̱er'e baꞌ, kamok kushonong ba.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

Ike̱ng a ta tonong aYohana 3:5

Aner aya a ta canang kazatse, a tù ku te ares akan kyo̱ndi ba. Mi tà birik riyerek wu a ta zibir kaye̱e̱r Kufumung Kutser baꞌ. Nizen iya mi tana nyeseng nasho̱o̱n Ada mi ne ámaleka wu, mi tà fe̱ ye aner na nye anaan.

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

Ike̱ng a ta tonong aYohana 22:14

“Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

aMatiyu 18:3

Ne a fe̱ be ba ye, “Won ta ka tak yin katsak'e, sang ke yin shishing yin kuse yin nong i tà te yin kyo̱ndi inoon nazhizhe̱k'e baꞌ, yin tà no̱ yin kaye̱e̱r rigwo̱m kaza baꞌ.

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aMarkus 3:35

Koangan afe a ta nye ike̱ng iya Adakunom ta shim, nye ango̱ mi ne áronyining'i ne ángasnyining'i.”

1 aTasalonika 5:18

Koakye kuri ike̱ng ne i ta se̱ yin, tonong yin riye̱ rikan be Adakunom kamok iyong ne i nye kushim wu be yin áya a ta se kaye̱e̱r aYeso Kiristi.

Afisa 6:6

Sang tu nye yin nong ta ka kare̱p yin ba aye̱ ka kamok ba ta ka ye̱re̱k yin tsek baꞌ, amma kyo̱ndi ásam aKiristi ne i nye yin ike̱ng iya Adakunom ta shim be riye̱ rizining.

1 aBitrus 2:15

Kamok Adakunom shim yin tu nye yin katsak fan aner aya a ta be akpe̱de̱ng kuto̱ natoon yin bu se ike̱ng rife̱.

aMatiyu 25:21

“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’

1 aTasalonika 4:3

Kushim Adakunom se ye: yin ra sor yin zhe̱l; won yin kunye rikuna.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

aLuka 13:25

Kum ke atekasa'me dorok a ta whe̱e̱n kanukutu'me, yin ta nyeseng yin nufang ne i ca yin kanukutu'me ne i nye yin akusuk ye, ‘Kusuk atekasa, ni karak yir kanukutu.’ “A tá fe̱ ye, ‘Mi ta ren yin, ka karo̱ yin tu ku ne yin baꞌ.’

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

aLuka 18:25

I tà se we̱e̱r we̱e̱r arakumi tana gor ni izobok kufer be arum tana no̱ kaye̱e̱r rigwo̱m Adakunom.”

aMarkus 9:47

Ke rinyisi wan ta sak wan ta nye rine̱n, ne i tun. I ta ka nar tana no̱ kaye̱e̱r rigwo̱m Adakunom be rinyisi rizining be a tana ka barak kaye̱e̱r kuro̱ng be anyisi afa,

aMatiyu 19:24

Mi bun i fe̱ be yin gbak ye, i ta se we̱e̱r we̱e̱r arakumi tana gor ni izobok kufe̱r be arum tana no̱ kaye̱e̱r rigwo̱m kaza.”

aMatiyu 18:35

“Anong ne Ada mi a ta se kaye̱e̱r kaza ta nye be koangan afe a ta nye áfudang wu igaas be riye̱ rizining.”

aYohana 15:23

Aner aya a tin ramin, a rawu Ada mi gip.

aMatiyu 26:42

Ayong a bun a tú ku bun i nye aduwa'me afe afa ne a fe̱ ye, “Ada, ke risam na ta kyem ri tin gor baꞌ, to̱, ne wan nye ike̱ng iya wan ta shim.”

aMatiyu 16:17

aYeso fe̱ be wu ye, “aSiman igon aZhona, wan nye aner riye̱ rikan kamok sang anerawe ne a ta tonong iyu baꞌ, ma ke Ada mi afe a ta se kaye̱e̱r kaza ne a ta ka tonong.

aYohana 14:7

Ke yin fan ni ren yin ke yin ren yin Ada mi. Amma kyo̱o̱rna, yin tu ren yin, yin mu ku di yin.”

aYohana 5:17

aYeso fe̱ be ba ye, “Ada mi se kaye̱e̱r itomong wu koakye izen, mi gip mi se be itomong'i.”

aMatiyu 26:39

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

aMatiyu 18:19

“Mi bun i fe̱ be yin gbak ye, ke áner áfa kaye̱e̱r yin áya kuto̱ro̱ng ba ta se kuzining rip ike̱ng ikak, Ada mi afe a ta se kaye̱e̱r kaza ta ka nye ba'me.

aMatiyu 25:10

“Ba ta fa dorok á sen tseng, ne aner a tana sok abining afas'e be̱. Nanamang naya na tá tsang á nye kanye̱k'e no̱ naro̱ kunye riye̱ rikan'e mak be wu ne a whe̱e̱n kutu'me.