aMatiyu 7:15 - Izere New Testament

¹⁵ “Nye yin tatan be áner kuzarap áfe abo̱o̱s. Á be̱s nufe yin be kuse itsamang, amma katsak'e, á se kyo̱ndi ámaan ágabu katse.

aMatiyu 7:15 Referans Kwoze

1 aYohana 4:1

Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.

aMatiyu 24:11

Áner kuzarap áfe abo̱o̱s whe̱re̱ tà wuruk ne á wo̱ro̱k ánerawe whe̱re̱.

aKolosi 2:8

Sak yin riye̱ fan akak ba ka wo̱ro̱k yin be kuri kuto̱ro̱ng kuri kufe kazatse na nong ta won yin iren katsak. Kuto̱ro̱ng kuri kuyong nye kukpe̱de̱ng'e. Ku nye igo̱o̱n ánerawe ne iren kunye ike̱re̱ kuri kufe kazatse na sang kuri kufe aKiristi baꞌ.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

2 aBitrus 3:17

Amma yin ároneng áfe riye̱ mi, kum yin tá ren yin ike̱re̱ na, to̱, sak yin riye̱ be kuri áner á ta gaar kukuus Adakunom, fan kubo̱so̱p ba kufe abo̱o̱s ba ka ko̱ro̱k yin nong ta won yin iren yin itek iya yin ta min nyeseng yin be agap.

aLuka 6:26

Awo̱ be yin áfe koangan tin fe̱ Rife̱ Ritek natoon yin, kamok anong ne áda ba nye be áner kuzarap afe abo̱o̱s.

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

2 aTimoti 4:3

Kamok izen ta be̱ iya sang ánerawe tana baꞌ, shim kufoos kubo̱so̱p kufe katsak baꞌ. Amma á ta nar kushim kufoos ike̱re̱ iya aye̱ ba tà shim ne kamok kuwhaan ato ba a tse̱r áner kubo̱so̱p nong á tu ku taas ba ike̱re̱ iya ba ta shim á ta foos.

aFilipi 3:2

Nye yin tatan be ágabu'ong, áfe á ta nye ámaan ike̱re̱. Á tsang á tse̱k iro̱m ba kpe̱de̱ng ye, ba sen naka nye izhak.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

aGalati 2:4

Itak na dorok kamok áfikuus abo̱o̱s ákak ti no̱ ni yir nong ase̱ á tin farang yir nong á ta di kanye̱k kusor yir ne kusor kutek yir ta se̱ yir kaye̱e̱r aYeso Kiristi, nong a ti sak yir ta te yir ásam.

aLuka 12:15

Ne aYeso fe̱ be ba ye, “Sak yin riye̱, ne i nye yin tatan be koakye kuri amaan kuye̱re̱k, kamok kube ike̱ng whe̱r ne kunye kusor kutek baꞌ.”

Ike̱ng a ta tonong aYohana 16:13

Ne mi di amaan nabik nataar kyo̱ndi ákpabor tá wuruk nanu kuwhen ame, be nanu kukewum ame ne nanu aner kuzarap afe abo̱o̱s.

Afisa 5:6

Sang tu won yin akak ta ka wo̱ro̱k yin be nadirik kamok be kuri rine̱n kuri riyong ne riye̱ kubeseng Adakunom tin tiik natoon áfe kushonong.

Itomong Ámanzo 13:40

Sak yin riye̱ fan ike̱ng iya áner kuzarap tan fe̱ bu ni shining natoon yin.

aYohana 10:12

Aner aya a tu ku sok kamok kufek, sang itsamang'me wor i te ifu baꞌ. Kamok anong, izen iya ne wu di abo̱ saase, ne wu teng a ta won itsamang'me. Ne abo̱ nikpa ni itsamang'me ne a ku fo ba.

aMatiyu 16:11

Akye̱ sak yin ren yin ye, sang natoon abiredi ne mi sen nife̱ baꞌ e̱? Mi fe̱ ye, nye tatan be ayisti aner aFarisi ne áfe aSadusi.”

aMatiyu 16:6

Ayong aYeso fe̱ be ba ye, “Nye yin tatan be ayisti áner aFarisi ne áfe aSadusi.”

aMatiyu 10:17

“Sak yin riye̱ be ánerawe, kamok á ta tseng be yin naro̱ amok ne á ka whereng yin kaye̱e̱r atu aduwa ba.

Ike̱ng a ta tonong aYohana 17:6

Mi di abining'e tan feng be naso̱k áfikuus ázhe̱l'e wu tan so̱, ne nafe áner á ta no̱o̱k asheda natoon aYeso. Nizen iya mi tú ku di mi fok azhing dide̱ng.

Itomong Ámanzo 13:6

Á tsang á tseng koake̱ nuwo̱p'e ma á no̱ na aPafos. Azong ne á nyim be aner aYahuda'me akak a tu ku yis ye aBar-Zhoshuwa. A tsang a nye ike̱re̱ azhing ne a bo̱s abo̱o̱s ye wu nye aner kuzarap Adakunom.

aMatiyu 7:14

Amma kanukutu kafe kutser, kase hiir. Iren wu ro̱ kutseng. Áfe á ta kuus gop baꞌ.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.