aMatiyu 7:14 - Izere New Testament

¹⁴ Amma kanukutu kafe kutser, kase hiir. Iren wu ro̱ kutseng. Áfe á ta kuus gop baꞌ.

aMatiyu 7:14 Referans Kwoze

aMatiyu 22:14

“Kamok ánerawe whe̱re̱ ne a yis amma cie̱k ne a kasa.”

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aMarkus 8:34

Ayong aYeso yis rigwo̱m anerawe ame be alimazhiri wu nong a ta fe̱ ye, “Koangan afe a ta shim a tin kuus, a ra rawu rice wu nong a ta sok kukon a tana ku tigak mo nong a tin kuus.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

aMatiyu 20:16

“Be anong,” aYeso fe̱ ye, “Áfe igang'e tà te áfe ime̱se̱ng'e ne áfe ime̱se̱ng'e tà te áfe igang'e.”

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

aRom 9:32

Akye̱ sak anong e̱? Kamok sang ba tá tse̱r niren kuno̱o̱k katsak baꞌ amma be kukuus Itsi ne kunye kutek, yong a ti tu atak natoon “kuta kutu atak.”

aYohana 16:2

Á tà ka turung yin kaye̱e̱r atu aduwa. Katsak'e, izen saase iya ke aner akak a ta fe̱r yin, a tà di ye wu sen nye itomong Adakunom.

aMatiyu 7:13

“No̱ yin nanukutu kaya kata se whe̱, kamok kanukutu kaya kata be ni iwei se saa. Iren'e ro̱ kutseng baꞌ, áfe á ta no̱o̱s se dide̱ng.

aMatiyu 7:15

“Nye yin tatan be áner kuzarap áfe abo̱o̱s. Á be̱s nufe yin be kuse itsamang, amma katsak'e, á se kyo̱ndi ámaan ágabu katse.