aMatiyu 7:13 - Izere New Testament

¹³ “No̱ yin nanukutu kaya kata se whe̱, kamok kanukutu kaya kata be ni iwei se saa. Iren'e ro̱ kutseng baꞌ, áfe á ta no̱o̱s se dide̱ng.

aMatiyu 7:13 Referans Kwoze

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aYohana 10:9

Mi ne i nye kanukutu'me, aner aya a gor nunaan a tà se̱ kashesh. A tà no̱ kaye̱e̱r'e ne a bun a wuruk, a ta se̱ karo̱ kufek katek.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aMatiyu 3:8

Nye yin itomong i tana tonong ye yin n shishing yin kuse yin.

2 aKoranti 6:17

Kamok anong, Agwo̱m Ágwo̱m fe̱ ye, “Wuruk yin kaye̱e̱r ba, naka kam yin be ba. Sang tu gaar yin ike̱ng iya i ta won dar i se zhe̱l baꞌ, nong mi ta ka shan yin.”

aMatiyu 23:13

“Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

aFilipi 3:19

Igang ba nye á tà wei, adakunom ba nye nafa ba. Á ni tsor kafok ni itomong isum ba. Aye̱ ba se natoon ike̱re̱ kazatse tsek.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

Ike̱ng a ta tonong aYohana 20:3

A tú ku barak kaye̱e̱r ribong ri ta se dar igak ame nong a tá whe̱e̱n kpa fan a bu se̱ iren kuwo̱ro̱k ánerawe kazatse ma aye̱ izungu izining gor. Nama aye̱ izungu izining'e gor, a tù ku bisik kaye̱e̱r nizen cie̱k tsek.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

aRom 9:22

Anong ne itomong Adakunom se. Ke a shim ne a tonong riye̱ kubeseng wu, ne a bun a tonong kukyem wu kanang. Amma kaye̱e̱r acaang riye̱ wu, a tsesek dide̱ng be aya i ta se gye̱r ke di kubeseng riye̱ wu aya Adakunom tan gang kanye̱k ku ka shosh ba.

aLuka 14:33

Anong ne yin gip, koangan ne ke a won koakye wu ta be nong a tin kuus baꞌ, a tà kyem a te alimazhiri mi baꞌ.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aLuka 9:33

Nizen áner ame tá se be i kam be aYeso, yong aBitrus fe̱ be aYeso ye, “Atekasa, i se gye̱r yir ta se yir aze, i nye yir abur ataar, kuzining tà nye kufuan, ne kuzining nye kufe aMusa, ne kuzining nye kufe Iliya.” A ren ike̱ng iya wu ta fe̱ baꞌ.

aMatiyu 7:14

Amma kanukutu kafe kutser, kase hiir. Iren wu ro̱ kutseng. Áfe á ta kuus gop baꞌ.