aMatiyu 7:11 - Izere New Testament

¹¹ Ke yin, i ta nye yin amaan'e, i ren i nyesek yin inoon yin ike̱re̱ itek, shita Ada afe ta se kaye̱e̱r kaza ta won dar a no̱o̱k aya a tu ku rip ike̱re̱ itek a?

aMatiyu 7:11 Referans Kwoze

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

aRom 3:19

Yir ren yir ye, koakye ike̱ng iya Itsi ta fe̱, i ti fe̱ natoon áner aya Itsi tin nye itomong natoon ba, fan ákak bu se̱ ike̱ng iya a tana fe̱, ne amok Adakunom se natoon kazatse cice̱r.

aGalati 3:22

Amma kufumung rife̱ Adakunom fe̱ ye rine̱n zim ánerawe kazatse na cei, nong ase̱ ike̱ng Adakunom ta tsang a ni no̱o̱k kuto̱, iya i ta be̱ kamok kuno̱o̱k katsak na aYeso Kiristi, iya Adakunom ta no̱o̱k aya a ti no̱o̱k katsak.

aRom 3:9

Iyong yir ta fe̱ yir ane̱ makong e̱? Ka yir áner aYahuda yir nar yir ribir ánerawe a? Ko cie̱k. Yir n tonong yir ye áner aYahuda be áya sang á ta nye áner aYahuda baꞌ, cice̱r a se kaye̱e̱r kukyem rine̱n.

aMatiyu 7:10

Ka, ke igon'e tu ku rip izos ne wu ku no̱o̱k iwhen e̱?

aMatiyu 23:9

Sang yin tu yis yin akak ye, ‘Ada’ kaye̱e̱r kazatse baꞌ, kamok yin be yin Ada azining tsek aya a ta se kaye̱e̱r kaza.