aMatiyu 6:6 - Izere New Testament

⁶ Amma ke wan tà nye aduwa, no̱ kaye̱e̱r kutu wan ne i whe̱e̱n kanukutu ne i nye aduwa wan be Ada wan aya a tu ku di baꞌ. Ada wan aya a ta di ike̱re̱ iya a tá nye nune̱re̱ng, tà ka no̱o̱k wan ishorong wan.

aMatiyu 6:6 Referans Kwoze

aMatiyu 14:23

Nizen aYeso tú ku te ba niren. A se ngarak natoon kawhanang wu ze̱r nong a tá nye aduwa. Nizen kawheshirim tá fa nye, aYeso se azong wu ze̱r.

Itomong Ámanzo 9:40

aBitrus fe̱ be ba ye á ra wuruk nufang cice̱r ba, yong a tigbok akuur kaben á ta nye aduwa. A kirik a tá ye̱re̱k kukom'e ne a fe̱ ye, “aTabita, dorok.” Iyong aTabita karak anyisi wu. A tá fa di aBitrus yong a dorok a tá sonong

aMatiyu 6:18

nong fan ánerawe bu ren ye wan sen nye azumi. Ada wan aya a tu ku ba, amma a di ike̱ng iya a tá nye nune̱re̱ng, ta ka no̱o̱k ishorong wan.

Itomong Ámanzo 10:9

Kaya katson'e nabas katite kunom, nizen iya ba tá be̱ barak a ta no̱ nuwo̱p'e, aBitrus ngarak natoon karo̱ ka ta se ne̱k natoon kutu nong a ta nye aduwa.

aMatiyu 6:4

nong ase̱ kutobok yin ta se nune̱re̱ng. Ada yin afe a ta di ike̱ng iya a tá nye nune̱re̱ng tà ka no̱o̱k yin ishorong yin.

Afisa 3:14

Kamok anong, mi tigbok akuur nasho̱o̱n Ada yir nong i ta nye aduwa,

aRom 8:5

Áner aya a ta sor kaye̱e̱r kuro̱m a ti te riye̱ natoon ike̱re̱ kuro̱m. Áner aya a ta kuus ike̱ng iya Kabik ta fe̱ be ba min te riye̱ ba nike̱re̱ Kabik.

Itomong Ámanzo 10:30

aKoneliyus fe̱ be wu ye, “Mi se kari ninye aduwa kaye̱e̱r inom inaas i tá gor nitso̱m itaar ife kunom. Aner akak be ares akan ma a gye̱se̱m be̱ a tá nyeseng nasho̱o̱n'i.

aYohana 1:48

Ayong aNataniyel rip aYeso ye, “Wan nye ane̱ i tin ren e̱?” Ne aYeso ku shim'e ye, “Mi tá di kum nizen wan tá rusek ritin atafo, nizham aFilibus tá ra ka yis.”

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”