aMatiyu 6:34 - Izere New Testament

³⁴ Kamok anong, sang yin tu daam yin be katson baꞌ, katson tà nye rikan rice wu. Koakye kunom be kudaam wu.

aMatiyu 6:34 Referans Kwoze

aMatiyu 6:25

“Kamok anong, mi fe̱ be yin ye, sang yin tu daam yin ka ane̱ ne yin tà sor yin baꞌ, natoon ike̱ng iya yin tana ya yin ka ike̱ng iya yin tana so̱ yin baꞌ, ka ike̱ng iya yin tana te yin baꞌ. Kutser nar naya, ne kuro̱m nar ares aꞌa?

aYohana 14:27

Mi ta won yin caang. Kusor caang'i ne ta ka no̱o̱k yin. Sang kyo̱ndi kazatse ta nyesek ne mi ta ka no̱o̱k yin baꞌ. Sang tu daam yin, sang tu fok yin inyim baꞌ.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

aLuka 11:3

Ni nang yir naya kuya koakye katuk.

aMatiyu 6:11

Ni nang yir naya kuya koakye katuk,

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

aMatiyu 6:27

Angan kaye̱e̱r yin kamok kudaam wu ne a ta kyem a tin barang kaban izen cie̱k nutser wu e̱?

aLuka 10:41

Ayong aYeso fe̱ be wu ye, “aMarta! aMarta! Wan min te riye̱ wan nike̱re̱ dide̱ng ma i no̱ nudaam.

aLuka 12:11

“Izen iya ne a tseng be yin nasho̱o̱n áko̱k kasho̱o̱n atu aduwa áner aYahuda be nufe ágwo̱m, tu daam yin be ike̱ng yin tana fe̱ yin natoon rice yin baꞌ,

aLuka 12:22

aYeso fe̱ be álimazhiri wu ye, “Kamok anong mi fe̱ be yin ye, tu daam yin be kusor yin baꞌ, be ike̱ng iya yin tana ya yin ka ike̱ng iya yin tana so̱ yin baꞌ, ka ike̱ng iya yin tana te yin baꞌ.

aFilipi 4:6

Sang tu daam yin be ike̱ng ikak baꞌ, amma kaye̱e̱r koakye tak yin Adakunom kudaam yin, be kunye aduwa ne kunye izong, mak be ku tonong riye̱ rikan be Adakunom.

1 aBitrus 5:7

Ku won yin kudaam yin cice̱r kamok wu ne a ti sak riye̱ ni yin.