Áner riye̱ rikan ne á nye aner aya a ta be ifeng ne á shim kunye ike̱re̱ iya i ta se gye̱r nasho̱o̱n Adakunom, Adakunom tu ku no̱o̱k ba ike̱re̱ ife ba tà shim'e.
Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”
Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.
Koangan afe a tá won nasa wu ka áronyining wu ka ángasnyining ka atek wu ka ango̱ wu ka inoon wu ka ako̱ wu kamok riyerek'i, a ta se̱ ike̱ng iya i ta nar anong kuso̱k inyak ne a bun a se̱ kutser kufe izen izen.
Kamok kutabak kuro̱m se gye̱r nizen ikak, amma kutabak kabik anerawe se gye̱r ne ku nar'e kamok ku ta ka tobok kaye̱e̱r kusor kyo̱o̱rna be kusor kufe kasho̱o̱n nama riku.
Kamok kaye̱e̱r'e ne a ti tonong iren ku te gye̱r nasho̱o̱n Adakunom, ku te gye̱r'e nye kuno̱o̱k katsak ni ime̱se̱ng'e ma nigang'e. Kyo̱ndi i ta se ni zibir ye, “Aner aya a ta se gye̱r nasho̱o̱n Adakunom ta sor kaye̱e̱r kuno̱o̱k katsak.”
ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.
Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.
Ike̱re̱ na cice̱r tonong ye amok Adakunom se gye̱r ne i bun tonong ye yin kyem tà sor yin kaye̱e̱r rigwo̱m Adakunom rife yin ta sen ni so̱ yin risam kamok'e.
Kum ba ta dun iren i tana sak anerawe tana te gye̱r nasho̱o̱n Adakunom, a tse̱r iren ifuba iya ba ta di ye i ta kyem i ka sak ba a ta te gye̱r nasho̱o̱n Adakunom, iyong ne i sak ba ta gaar iren i tana sak ánerawe ta te gye̱r nasho̱o̱n Adakunom.
A nye awazi Rife̱ Ritek dar inyim azong kamok sang a tú ku roon'e ba', a nye awazi natoon rigwo̱m Adakunom ne a bo̱so̱p ánerawe'me itak aYeso Kiristi a ta nye Agwo̱m Ágwo̱m.
Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.
aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.
Be anong ne ba tor a ta be̱ a buruk ashi. Kamok nizen ikak amaleka man ne a tiik nong a ta be̱ buruk ashi'me. Kum aner aya afe a ta san i no̱ nashi'me, nama a tan buruk, ne a wor a te atser kaye̱e̱r kuro̱k wu.