aMatiyu 6:28 - Izere New Testament

²⁸ “To̱, kamok akye̱ yin ti daam yin be ares yin ta tes yin e̱? Ye̱re̱k yin kurasak áfure katse ta di yin. Á nye itomong ka á tos ares baꞌ.

aMatiyu 6:28 Referans Kwoze

aMatiyu 6:25

“Kamok anong, mi fe̱ be yin ye, sang yin tu daam yin ka ane̱ ne yin tà sor yin baꞌ, natoon ike̱ng iya yin tana ya yin ka ike̱ng iya yin tana so̱ yin baꞌ, ka ike̱ng iya yin tana te yin baꞌ. Kutser nar naya, ne kuro̱m nar ares aꞌa?

aFilipi 4:6

Sang tu daam yin be ike̱ng ikak baꞌ, amma kaye̱e̱r koakye tak yin Adakunom kudaam yin, be kunye aduwa ne kunye izong, mak be ku tonong riye̱ rikan be Adakunom.

aLuka 12:27

“Ye̱re̱k yin kusas afure ta di yin, ba nye itomong ka á tos ares baꞌ Gip be anong, won tá ka tak yin ko aSolomon a tá nye agwo̱m be ares wu atek kususas'e gip, a te ares kususas'e kyo̱ndi azining kaye̱e̱r ba baꞌ.

aMatiyu 6:31

Kamok anong, sang tu daam yin ye, ko̱ ‘Akye̱ ne yir ta ya yir?’ ka, ‘Akye̱ ne yir ta so̱ yir?’ ka ‘Akye̱ ne yir ta te yir baꞌ?’

aLuka 3:11

Ayong aYohana fe̱ ye, “Aner aya a ta be akpiin afa a ra kabak be afe a ta be baꞌ, afe a ta be naya ra nye anong gip.”

aMatiyu 10:10

Sang yin tu be yin ishika ka akpiin afa ka akpatak afa ka ishe̱n baꞌ. I se gye̱r aner a ta nye itomong ta ya kutsin wu.

aMatiyu 6:27

Angan kaye̱e̱r yin kamok kudaam wu ne a ta kyem a tin barang kaban izen cie̱k nutser wu e̱?

aLuka 10:41

Ayong aYeso fe̱ be wu ye, “aMarta! aMarta! Wan min te riye̱ wan nike̱re̱ dide̱ng ma i no̱ nudaam.

aLuka 12:11

“Izen iya ne a tseng be yin nasho̱o̱n áko̱k kasho̱o̱n atu aduwa áner aYahuda be nufe ágwo̱m, tu daam yin be ike̱ng yin tana fe̱ yin natoon rice yin baꞌ,

aLuka 12:22

aYeso fe̱ be álimazhiri wu ye, “Kamok anong mi fe̱ be yin ye, tu daam yin be kusor yin baꞌ, be ike̱ng iya yin tana ya yin ka ike̱ng iya yin tana so̱ yin baꞌ, ka ike̱ng iya yin tana te yin baꞌ.

1 aBitrus 5:7

Ku won yin kudaam yin cice̱r kamok wu ne a ti sak riye̱ ni yin.