aMatiyu 6:25 - Izere New Testament

²⁵ “Kamok anong, mi fe̱ be yin ye, sang yin tu daam yin ka ane̱ ne yin tà sor yin baꞌ, natoon ike̱ng iya yin tana ya yin ka ike̱ng iya yin tana so̱ yin baꞌ, ka ike̱ng iya yin tana te yin baꞌ. Kutser nar naya, ne kuro̱m nar ares aꞌa?

aMatiyu 6:25 Referans Kwoze

aFilipi 4:6

Sang tu daam yin be ike̱ng ikak baꞌ, amma kaye̱e̱r koakye tak yin Adakunom kudaam yin, be kunye aduwa ne kunye izong, mak be ku tonong riye̱ rikan be Adakunom.

1 aBitrus 5:7

Ku won yin kudaam yin cice̱r kamok wu ne a ti sak riye̱ ni yin.

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

aMatiyu 6:31

Kamok anong, sang tu daam yin ye, ko̱ ‘Akye̱ ne yir ta ya yir?’ ka, ‘Akye̱ ne yir ta so̱ yir?’ ka ‘Akye̱ ne yir ta te yir baꞌ?’

aMarkus 4:19

amma ke kudaam kazatse be kushim kurum, ne kushim ike̱re̱ ikak be̱ ne i te̱ne̱ng rife̱'me kurasak kaye̱e̱r wu ma a beseng.

aMatiyu 10:19

Ke á ta yising yin, sang yin tu daam yin be ike̱ng ife yin tana fe̱ yin ka ane̱ ne yin tà fe̱ yin baꞌ. Nizen iyong a tà ka no̱o̱k yin ike̱ng ife yin tana fe̱ yin.

1 aKoranti 7:32

Mi shim yin tu daam yin baꞌ. Aner aya a ta rusek dar kuwe̱ne̱ng daam be ike̱ng iya i ta nye ife Adakunom dide̱ng, iya i tana kare̱p Adakunom riye̱.

aMatiyu 6:34

Kamok anong, sang yin tu daam yin be katson baꞌ, katson tà nye rikan rice wu. Koakye kunom be kudaam wu.

2 aTimoti 2:4

aSozha akak kuse a ta se kaye̱e̱r itomong a tana bun a te rice wu ni ike̱re̱ kazatse baꞌ, kamok ike̱ng ife asozha ta shim nye a tu kare̱p atekasa wu riye̱.

aLuka 8:14

Íca'me iya i ta kpas kaye̱e̱r ikiritsan nye áner aya a ta fok rife̱ Adakunom, a ra ya kasho̱o̱n nusor'e baꞌ, kamok á ti daam be ike̱re̱ kazatse na, ne kutse̱r kurum ne kusor kutek.

aMatiyu 13:22

Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aLuka 12:11

“Izen iya ne a tseng be yin nasho̱o̱n áko̱k kasho̱o̱n atu aduwa áner aYahuda be nufe ágwo̱m, tu daam yin be ike̱ng yin tana fe̱ yin natoon rice yin baꞌ,

aMarkus 13:11

Izen iya ne á ta yising yin nong á ta tseng be yin naro̱ amok, sang tu yin daam yin be ike̱ng iya yin tana fe̱ yin baꞌ. Fe̱ yin ike̱ng iya i ta ka be̱ yin nizen iyong, kamok sang yin ne i fe̱ yin kanu baꞌ, amma Kabik Kazhe̱l'e.