aMatiyu 6:23 - Izere New Testament

²³ Amma ke anyisi wan nye atser baꞌ, kuro̱m wan cice̱r ta se na awhi, kamok anong ke akanang a ta se be wan te whi, awhi'me ta se dide̱ng.

aMatiyu 6:23 Referans Kwoze

1 aYohana 2:11

Amma aner aya a ta rawu aronyining wu afikuus a se na awhi, a tseng na awhi. Kamok anong a ren karo̱ wu tu ku be baꞌ, kamok awhi'me tu ku whe̱e̱n anyisi.

aMatiyu 6:22

“Anyisi se kyo̱ndi apitila kuro̱m. Ke anyisi wan nye atser, kuro̱m wan cice̱r ta se na akanang.

Afisa 4:18

Kuren ike̱ng ba se whi ne á be kutser kufas kuri kuya Adakunom ta nyesek baꞌ, kamok kuri agbik rice ba ta be ne kushonong ba.

1 aKoranti 2:14

Aner aya a be Kabik Adakunom baꞌ, a ta shim ike̱re̱ i ta nye ife Kabik baꞌ kamok ike̱re̱ Kabik'e sor rifunam nufu. A ta kyem a ren ike̱ng Kabik'e tin fe̱ baꞌ, kamok aner aya a ta be kabik tsek ne a ta kyem a ren.

aRom 1:22

Ba sor ye ba be ritseng, amma á nye áfunam'e.

Afisa 5:8

Kamok yin tsang i se yin na awhi gbugbang, amma kyo̱o̱rna yin se yin na akanang kamok Agwo̱m Ágwo̱m. Sor yin kyo̱ndi inoon akanang.

aLuka 8:10

aYeso tú tak ba ye, “A ma ka no̱o̱k yin kukyem kuren ike̱re̱ rigwo̱m Adakunom i ta se nune̱re̱ng, amma be ákak mi ta fe̱ ne i ninye kumaas, nong a se̱ “ ‘Á ta ye̱re̱k gye̱r tatan, amma á tà ra di baꞌ. Á tà foos gye̱rtatan, á tà ra ren ike̱ng iya á tin fe̱ baꞌ.’

aMatiyu 20:15

Aser, mi ta kyem i nye be itso̱m mi kyo̱ndi mi ta shim aꞌa? Ka wan be rishishim kamok mi ta se washak e̱?’

aMarkus 7:22

ne kuye̱re̱k, be anyas ne kuwo̱ro̱k anerawe, ne rinyisi rikan, ne rishishim, be naborok, ne kuka be rifunam.

aLuka 11:34

Anyisi wan ne á nye apitila kuro̱m wan. Ke anyisi wan nye atser, kuro̱m wan cice̱r ta se̱ akanang. Amma ke anyisi wan nye atser baꞌ, kuro̱m wan cice̱r ta se na awhi.